,,თიბილოვმა ფულზე დახარბებულ ჩვენს ,,კულტურის მუშაკებს“ პოლიტიკური გაკვეთილი ჩაუტარა“

,,თიბილოვმა ფულზე დახარბებულ ჩვენს ,,კულტურის მუშაკებს“ პოლიტიკური გაკვეთილი ჩაუტარა“ - გოცირიძე

სოც.მედია - 15:21, 24 Mar, 2016

1729

ვლადიკავკაზში ანსამბლ ,,რუსთვის“ მიერ დაგეგმილ კონცერტებთან დაკავშირებით ოკუპირებული ცხინვალის პროტესტს და დეფაქტო ლიდერის თიბილოვის განცხადებას სოციალურ ქსელში ეხმაურება ეკონომიკის ექსპერტი რომან გოცირიძე.

,,ოსებს არ უნდათ, რომ ვლადიკავკაზში შედგეს ქართული ანსამბლ ”რუსთავის” კონცერტი და მასობრივი საპროტესტო აქციებით იმუქრებიან. ამიტომ სამხრეთ ოსეთის დე ფაქტო პრეზიდენტი ლეონიდ თიბილოვი იძულებული გახდა ტელევიზიით მიემართა ხალხისათვის და აეხსნა ამ გასტროლების მიზანშეწონილება. იგი ამბობს: მიუხედავად იმისა, რომ ქართველები ფაშისტურად მოექცნენ ოსებს, მოუწყვეს გენოციდი, მათი მიღება საჭიროა რუსეთ-საქართველოს შორის ურთიერთობის გაუმჯობესების ფონზე და რუსეთის პოლიტიკური ინტერესების კავკასიაში გატარების საქმისათვისო.("Усиление российского присутствия на Кавказе"). დიახ, სიტყვასიტყვით ადასტურებს იმას, რის გამოც ეწინააღმდეგება ქართული საზოგადოების ნაწილი ჩვენი მუსიკოსებისა თუ საბალეტო ჯგუფების გამგზავრებას რუსეთში, ისევე როგორც კრემლის აგრესიული პოლიტიკის მხარდამჭერი რუსი მსახიობებისა თუ მომღერლების გასტროლებს საქართველოში.

და კიდევ იტყვით, რომ სპორტი და ხელოვნება არ გამოიყენება პოლიტიკური მიზნითო?

ამ კაცმა თავის მოკლე გამოსვლაში პოლიტიკური გაკვეთილი ჩაუტარა თავის ხალხს. ჩვენს ფულზე დახარბებულ ”კულტურის მუშაკებსაც”. - წერს გოცირიძე.