ვის ვიხილავთ "ოცნების" სიაში

პოლიტიკა - 13:56, 24 Mar, 2016

3447

„ქართული ოცნების“ გენერალურმა და აღმასრულებელმა მდივნებმა დღეს მედიასთან მომავალი საპრლამენტო სიის დაკომპლექტებასთან დაკავშირებით ისაუბრეს.

კახა კალაძის განცხადებით კონსულტაციების სიასთან დაკავშირებით ჯერ კიდევ გრძელდება, თუმცა სიაში აუცილებლად იქნებიან ახალი სახეები, ახალგაზრდები, ასევე საარჩევნო სიაშიც და მაჟორიტარულ კანდიდატებად აუცილებლად იქნებიან წარდგენილი ქალებიც.

„იქნება ცნობილი სახეც, ზოგი შეიძლება ნაკლებად ცნობილი, მაგრამ წარმატებული ახალგაზრდა . ასევე დიდ ყურადღებას ვუთმობთ ქალბატონებს და მიგვაჩნია, რომ მისასალმებელია, რაც მეტი ქალი იქნება ჩართული პოლიტიკაში.“ განაცხადა კალაძემ. ოცნების გენმდივნის თქმით არ არის გამორიცხული სიაში სპორტსმენებიც იყვნენ, რადგან სპორტსმენნიც წარმატებული ადამიანია.

აღმასრულებელი მდივნის ირაკლი კობახიძის განცხადებით არსებობს სამი სფერო რომელიც პრიორიტეტულია და აქცენტი სწორედ ამ სფეროს სპეციალისტებზე გაკეთდება:

„სიას რაც შეეხება , არ არის მიზანშეწონილი ჩვენთვის სახელების და გვარის დაკონკრეტება. ამისგან შეგნებულად ვიკავებტ თავს. ჩვენი მთავარი პრიორიტეტი გახლავთ გუნდის გაძლიერება იმ სფეროებში სადაც პარლამენტს განსაკუთრებული ყურადღება მართებს. სამი პრიორიტეტული მიმართულებაა კანონშემოქმედებითი, ეკონომიკური და საგარეო სფერო და ამაზე გაკეთდება აქცენტი“- განაცხადა აღმასრულებელმა მდივანმა ირაკლი კობახიძემ, მან ასევე არ გამორიცხა, რომ სიაში შესაძლოა აღმოჩნდნენ საზოგადოება 2030-ის ექსპერტებიც.