ანი ნადარეიშვილი ეკა გიგაურს პასუხობს: ,,ერთხელ მაინც თუ დაინტერესდით ახალაიების პოლიტიკურად მოტივირებული საქმეებით“

პოლიტიკა - 21:13, 23 Mar, 2016

4706

თავადცვის ყოფილი მინისტრის, პატიმრობაში მყოფი ბაჩო ახალაიას მეუღლე ,,საერთაშორისო გამჭვირვალობა - საქართველოს“ აღმასრულებელი მდივნის ეკა გიგაურის მიერ სოციალურ ქსელში გამოქვეყნებულ პოსტს ეხმაურება.
ეკა გიგაური ინტერპოლის ძებნილთა სიიდან კუდ-ის ყოფილი უფროსის დათა ახალაიას ამოღების ფაქტს შემდეგი პოსტით ეხმაურებოდა: ,,ამ კაცზე სარწმუნო მტკიცებულებებს, რომ ვერ შეაგროვებ და ინტერპოლს ვერ მიაწვდი იმასთან დაკავშირებით, რომ კუდი ათას უბედურებაში იყო ჩართული, მათ შორის ოპონენტებზე და თავისი გუნდის წევრებზე თვალყვალში, რა გამოძიებაზეა საუბარი არ ვიცი რა!“ - წერდა ეკა გიგაური, რომელსაც ასევე სოციალურ ქსელში ანი ნადარეიშვილმა უპასუხა: ,,ქალბატონო ეკა, კედელი დახურული გაქვთ და ამიტომ აქ მომიწია ჩემი კედლის დაბინძურება ამ სქრინით. როგორ გიწოდოთ უფლებადამცველი, მაგრამ მაინც როგორც "უფლებადამცველს" ჩა-გეკითხებით, ერთხელ მაინც თუ დაინტერესდით ახალაიების პოლიტიკურად მოტივირებული საქმეებით, 2 წლიანი წინასწარი პატიმრობით (მიუხედავად 13 გამამართლებელი განაჩენისა)... ტყეში გატაცებული მოწმე ლევან სუთიძით, პრესკონფერენციიდან პროკურატურის მიერ გატაცებული გია გორგაძით... პროკურორების მიერ ნაწამები და მოკლული თათუხაშვილით... პროკურატურის მიერ დამუქრებული მოწმეებით, რომლებიც ციხეებში ამოაყუდეს იმის გამო რომ არ იცრუეს სასამართლოზე ახალაიების წინააღმდეგ... და კიდევ უამრავი სკანდალური ფაქტით. ხოდა კიდევ, თითს ნუ იშვერთ არასწორი მიმართულებით და რასაც ჩაგძახებენ ზოგ-ზოგიერთები, იმას ნუ ამოძახებთ“ - წერს ანი ნადარეიშვილი.