არსებობს საკითხები, რაზეც ხელისუფლებას შიდაკოალიციური კონსულტაციები სჭირდება

არსებობს საკითხები, რაზეც ხელისუფლებას შიდაკოალიციური კონსულტაციები სჭირდება - ბაჩუკი ქარდავა

პოლიტიკა - 17:53, 23 Mar, 2016

846

საარჩევნო საკითხებზე მომუშავე ინტერპარტიულ ჯგუფსა და "ქართული ოცნების" წარმომადგენლებს შორის შეხვედრას "ეროვნულ დემოკრატიული პარტიის" ლიდერი ბაჩუკი ქარდავა აფასებს.

ედპ-ს ლიდერის განცხადებით, შეხვედრაზე გარკვეულ შეთანხმებას მიაღწიეს, ზოგიერთ საკითხზე კი ხელისუფლებას გუნდის შიგნით კონსულტაციები ჭირდება.

„ის ხუთი პუნქტი, რომელსაც სხვებიც ითხოვდნენ ყველა საკითხი არის ღია. დღევანდელი შეხვედრა მართალია, კონსტრუქციულ ჩარჩოებში მიმდინარეობდა, მაგრამ ძირითადად ხელისუფლების მხიდან იყო სურვილი, რომ დაეზუსტებინათ ეს საკითხები და ჩვენ მათ დავუზუსტეთ, დავუკონკრეტეთ ოთხი საკითხი. ერთ საკითხზე ჩვენ გვაქვს სამუშაო. ამ საკითხს მომდევნო შეხვედრაზე აუცილებლად მოვიტანთ, ეს რაც შეეხება ადმინისტრაციული რესურსის გამოყენებას. დანარჩენი ყველა საკითხი არის ღია, ღია არა იმიტომ, რომ ვერ შევთანხმდით, არამედ შიდა კოალიციური კონსულტაციები სჭირდება ამ საკითხებს. ეს არის ძალიან მნიშვნელოვანი თემა და მნიშვნელოვანი რეფორმაა. მათ ითხოვეს დრო ამ კონსულტაციების გასამართად“ -განაცხადა ბაჩუკი ქარდავა.

შეგახსენებთ, რომ იუსტიციის სამინისტროში საარჩევნო საკითხებზე მომუშავე ჯგუფის შეიკრიბა დღეს შედგა.

აღნიშნულ ჯგუფს კოორდინაციას იუსტიიის მინისტრი, თეა წულუკიანი უწევს. შეხვედრაზე მთავრობას შალვა თადუმაძე წარმოადგენდა, მმართველ პარტიას კი ხუთი კანონმდებელი, ინტერპარტიული ჯგუფიდან შეხვედრას ესწრებოდნენ მამუკა კაციტაძე, ბაჩუკი ქარდავა, გიორგი ახვლედიანი და გოჩა თევდორაძე..