ევროკავშირის მრავაწლიანი ფინანსური პერსპექტივები და მათი ზეგავლენა აღმოსავლეთ პარტნიორობის ქვეყნების თანამშრომლობაზე. ეს იყო განხილვის მთავარი თემა, ევრონესტისსაპარლამენტო ასამბლეის ეკონომიკური ინტეგრაციის, საკანონმდებლო ჰარმონიზაციისა და პოლიტიკური დაახლოების კომიტეტის სხდომაზე.

სხდომაზე, კომიტეტის წევრებმა, ქვეყნის ეკონომიკის განვითარებისთვის მცირე და საშუალო ბიზნესის მდგომარეობასა და მის მნიშვნელობაზე გაამახვილეს ყურადღება.

დელეგატებმა მცირე ბიზნესის დეფინიციაზე და იმ მასტიმულირებელ ღონისძიებებზ ისაუბრეს, რომელიც განვითარებულ და აღმოსავლეთ პარტნიორობის ქვეყნებში განსხვავებულია. საქართველოს პარლამენტის დელეგაციის წევრმა გიორგი ჟორჟოლიანმა, ყურადღება გაამახვილა იმ სტრატეგიაზე, რომელიც საქართველოს მთავრობამ ცოტა ხნის წინ, ინსტიტუციური მხარაჭერისთვის მიიღო.

მან საქართველოს ეკონომიკის სამინისტროში მიმდინარე პროგრამებზე ისაუბრა და აღნიშნა, რომ ამ პროგრამებს მნიშვნელოვანი წვლილი შეაქვთ მცირე და საშუალო ბიზნესის განვითარებაში.„მნიშვნელოვანია მუდმივი განათლების სისტემის შექმნა, არა მხოლოდ სამეწარმეო უნარებში, არამედ ისეთ სფეროებში, როგორიცაა საინჟინრო და ტქნოლოგიური დარგები, როგორც პროფესიული ასევე, აკადემიური უმაღლესი განათლების დონეზე“, - განაცხადა გიორგი ჟორჟოლიანიმა.

სხდომაზე, ყურადღება გამახვილდა აღმოსავლეთ პარტნიორების ქვეყნებს შორის ეკონომიკური თანამშრომლობის გააქტიურებაზე და ამ თანამშრომლობის სტიმლირებისთვის, ფიფანსური მექანიზმების გაუმჯობესებაზეც.