რუსეთის საგარეო უწყება საქართველოს ანტირუსული თავდასხმების გააქტიურებაში ადანაშაულებს

პოლიტიკა - 18:03, 21 Mar, 2016

1757

რუსეთის საგარეო საქმეთა სამინისტრო ჟენევის დისკუსიების მორიგ რაუნდთან დაკავშირებით განცხადებას ავრცელებს.

„ჟენევის მოლაპარაკებების დაწყებამდე ოფიციალური თბილისის მხრიდან ანტირუსული თავდასხმების მკვეთრი გააქტიურება შეინიშნება. პრაღაში, რუსეთის საგარეო საქმეთა მინისტრის მოადგილის, გრიგორი კარასინისა და საქართველოს პრემიერ-მინისტრის სპეციალური წარმომადგენლის ზურაბ აბაშიძის შეხვედრაზე, ჩვენ მოვუწოდეთ პარტნიორებს დაიცვან ზომიერება საკუთარ პიარ-ვარჯიშებში, რათა თავიდან იქნას აცილებული ზიანი ორმხრივი ურთიერთობის ნორმალიზების მიმდინარე პროცესისთვის“ - ნათქვამია განცხადებაში.

საგარეო უწყების მიერ გავრცელებულ განცხადებაში აღნიშნულია, რომ ქართული კონფრონტაციული პროპაგანდა , არანაკლებ დამღუპველად აისახება ჟენევის დისკუსიის ატმოსფეროზეც“.

„ამავე კონტექსტში განიხილავს საქართველოს საგარეო საქმეთა სამინისტროს ანგარიშებს ოკუპირებულ ტერიტორიებზე ადამიანის უფლებების კუთხით არსებული მდგომარეობის შესახებ - ანგარიშები, დამახინჯებული ფაქტებითა და ღია ცილისწამებით აფხაზეთის, სამხრეთ ოსეთისა და რუსეთის მიმასამართით“ - ნათქვამია საგარეო უწყების განცხადებაში.
როგორც განცხადებაშია აღნიშნული, საგარეო უწყება იმედოვნებს, რომ ჟენევის მოლაპარაკებების მონაწილეები, მათ შორის ქართლი დელეგაცია, შეხვედრას კონსტრუქციულ ჭრილში გამართავს.