საქართველოს პრეზიდენტის ინიციატივას, აბაშიძე-კარასინის მოლაპარაკების ფორმატის შეცვლასთან დაკავშირებით, თავდაცვის მინისტრი, თინა ხიდაშელი ეხმაურება.

მისი განმარტებით, ეს ფორმატი სასიცოცხლოდ აუცილებელია საქართველოსთვის, რათა ქვეყანაში მშვიდობა და უსაფრთხოება იყოს შენარჩუნებული:

„მე ვფიქრობ, რომ დიალოგს ალტერნატივა არ აქვს და ყოველთვის უნდა ვილაპარაკოთ იმის მიუხედავად, რამდენად მძიმეც არ უნდა იყოს. გაცილებით უფრო მნიშვნელოვანია მაშინ ილაპარაკო, როდესაც ვითარება მძიმეა, ვიდრე მაშინ, როდესაც მხოლოდ მეგობრებთან გაქვს საქმე. ამიტომ, დიალოგი არის პრინციპულად მნიშვნელოვანი, კატეგორიულად აუცილებელი და ერთადერთი გზა იმისთვის, რომ ჩვენი ქვეყანა უსაფრთხო და მშვიდობიანი შევინარჩუნოთ“, - განაცხადა თინა ხიდაშელმა.