,,კარასინს პასუხი აბაშიძემ გასცეს! ჩემი წარმომადგენელი რომ იყოს, სხვა მესიჯებს მიიტანდა კარასინამდე“

,,კარასინს პასუხი აბაშიძემ გასცეს! ჩემი წარმომადგენელი რომ იყოს, სხვა მესიჯებს მიიტანდა კარასინამდე“ - პრეზიდენტი

პოლიტიკა - 21:00, 20 Mar, 2016

3038

როგორია პრეზიდენტის პაუხი გრეგორი კარასინის განცხადებაზე - გიორგი მარგველაშვილმა რუსეთის საგარეო უწყების წარმომადგენლის პოზიციაზე საუბრისას აღნიშნა, რომ აბაშიძე ვალდებულია პასუხი გასცეს კარასინს, რომელიც პრაღის ფორმატის წარმომადგენელია.

,,კარასინს პასუხი უნდა გასცეს აბაშიძემ და საკადრისი პასუხი, რადგან ის არის პრაღის ფორმატში. რაც ჩვენ მოვისმინეთ იქ არ მიდიოდა ამაზე საუბრები, არც შეხვედრებზე იგივე თემების დაფიქსირების დროს. ამასთან ერთად ბატონი აბაშიძის კომენტარი მოვისმინე, რომ პირიქით ქართულ ხმხარეს დაგვარიგა ჭკუა, რომ ჭკვიანად ვიყოთ. მე არ მგონია, რომ პოლემიკაში უნდა შევიდე კარასინთან. პრაღის ფორმატი არის დასაზუსტებელი, ეს არის როგორც ჩვენ ვიცით ეკონომიკური და კულტურული თემატიკის ფორმატი. პოლიტიკურ ფორმატზე ვიცოდეთ რომ იქ საუბარი არ მიმდინარეობს. ეს დასაზუსტებელია. ასეთი ტიპის განცხადებებს, პრაღის ფორმატშივე უნდა ჰყავდეს პასუხის გამცემი. რუსეთთან ურთიერთობის რაციონალურ ჭრილში გადაყვანას ვერ შეცვლის ამა თუ იმ პოლიტიკოსის მკვეთრი განცხადებები“ - განაცხადა გიორგი მარგველაშვილმა.

რაც შეება იმას რამდენად შეიძლება იფიქროს ქართულმა მხარემ მონაწილეების შეცვლაზე?

,,მე ვერ ვიზრუნებ კარასინის შეცვლაზე და აბაშიძე არ არის ჩემი წარმომადგენელი, ჩემი წარმომადგენელი რომ იყოს სხვა ტიპის მესიჯს მიიტანდა კარასინამდე“ - დასძინა პრეზიდენტმა.

გიორგი მარგველაშვილის თქმით, დიალოგის გაწყვეტას პოზიტიური შედეგები არ მოაქვს, თუმცა საქართველომ არასოდეს არ უნდა დათმოს საკუთარი ინტერესები.

,,საქართველო არასოდეს შეეგუება ოკუპაციას და ამ საკითხში არათუ არ შეიცვლის პოზიციას, არამედ რომელი მთავრობაც არ უნდა მვიდეს, საქართველო ამ პოზიციაში არის მართალი“ - დასძინა პრეზიდენტმა.