ახვლედიანი, ქარდავა, კაციტაძე, თევდორაძე - არასაპარლამენტო ოპოზიციამ პრემიერთან სამუშაო ჯგუფი წარადგინა

პოლიტიკა - 16:54, 19 Mar, 2016

1392

მთავრობის კანცელარიაში პრემიერ მინისტრმა და საარჩევნო საკითხებზე შექმნილ ინტერპარტიულ ჯგუფთან შეხვედრა გამართა. არასაპარლამენტო ოპოზიციის ლიდერებმა სამუშაო ჯგუფის შემადგენლობა წარადგინეს, რომელიც ხელისუფლების მხრიდან წარმოდგენილ ჯგუფთან ერთად იუსტიციის სამინისტროში განარგძობს მუშაობას საარჩევნო კანონმდებლობაში შესატან ცვლილებებზე.

მმართველი გუნდის წარმომადგენელთა განცხადებით, პრემიერთან შეხვედრაზე, მოხდა შეთანხმება თანამშრომლობის დეტალებზე, თუ რა ფორმატში გაგრძელდება საარჩევნო კოდექსზე მუშაობა.

„ინტერპარტიულმა ჯგუფმა წარმოადგინა 4 კაცის კანდიდატურა, რომელიც ამ ჯგუფში იმუშავებს, ესენი არიან გიორგი ახვლედიანი, გოჩა თევდორაძე, ბაჩუკი ქარდავა, მამუკა კაციტაძე. ჯგუფი იუსტიციის სამინისტროში მინისტრის ხელმძღვანელობით იმუშავებს. ჩვენგანაც იქნა წარდგენილი 5 კაცი, ყველა ფრაქციიდან თითო წარმომადგენელი“- განაცხადა ზურაბ ტყემალაძემ.

,,შევთანხმდით თანამშრომლობის დეტალებზე, რა ფორმატში გავარგრძელებთ მუშაობას. ოთხშაბათს ორ საათზე შედგება სამუშაო ჯგუფის შეხვედრა თეა წულუკიანის უწყებაში. ჩვენგან მიიღებს მონაწილეობას ფრაქციის წარმომადგენელი და მთავრობის საპარლამენტო მდივანი, დავიწყებთ და ვფუქრობთ, რომ ჩავჯდებით იმ დროში, რომელცი დღეს ერთანეთთან შევათანხმეთ, გვინდა რომ 15 აპრილამდე დავასრულოთ. გვაქვს ასეთი ხედვა, რმ ეს საკმარისი დროა“ - განაცხადა ზვიად კვაჭანტირაძემ.