,,ჩვენი მხრიდან უმთავრესია ვადები, თვეობით ჯდომას აქ არ ვაპირებთ“

,,ჩვენი მხრიდან უმთავრესია ვადები, თვეობით ჯდომას აქ არ ვაპირებთ“ - ქარდავა პრემიერთან შეხვედრის დეტალებზე

პოლიტიკა - 16:48, 19 Mar, 2016

1156

მთავრობის კანცელარიაში პრემიერ მინისტრმა და საარჩევნო საკითხებზე შექმნილ ინტერპარტიულ ჯგუფთან შეხვედრა გამართა. არასაპარლამენტო ოპოზიციის ლიდერებმა სამუშაო ჯგუფის შემადგენლობა წარადგინეს, რომელიც ხელისუფლების მხრიდან წარმოდგენილ ჯგუფთან ერთად იუსტიციის სამინისტროში განარგძობს მუშაობას საარჩევნო კანონმდებლობაში შესატან ცვლილებებზე. როგორც პრემიერთან შეხვედრის შემდეგ ეროვნულ-დემოკრატიული პარტიის ლიდერმა ჟურნალისტებთან განაცხადა, ხელისუფლება ცდილობს გარკვეულ კომპრომისზე წარმოსვლას, რაც შეეხება ოპოზიციის სამუშაო ჯგუფს მასში არასაპარლამენტო ოპოზიციის 4 წარმომადგენელი შედის.

,,თუ დღებანდელ შეხვედრას გადავხედავთ, შეიძლება ითქვა, რომ მოჩვენებითად იყო ეს თუ რეალურად ასეა, ხელისუფლება ცდილობს გარკევულ კომპრომისზე წამოვიდეს. დანარჩენს შედეგების მიხედვით ვნახავთ.

ჩვენი მხრიდან იყო ჩამოყალიბებული სამუშაო ჯგუფი ლიდერების დონეზე, შევთავაზეთ ხელისუფლებას 4-კაციანი ჯგუფი. ხელისუფლების მხრიდან ჯგუფს უხელმძღვანელებს თეა წულუკიანი და კოალიციაში შემავალი ყველა პოლიტიკური სუბიექტის ხელმძღვანელი თუ ფრაქციის წარმომადგენელი. გარდა ამისა, კანცელარიის მხრიდან იქნება წარმომადგენელი ამ პროცესში ჩართული.

არასაპარლამენტო პარიების ინტერპარტიული ჯგუფის მხრინდა იყო უმთავრესი საკითხი დაყენებული ვადები და დრო, რადგან ჩვენ არ ვაპირებთ თვეობით აქ ჯდომას. დრო ძალიან ცოტა გვაქვს, მაქსიმუმ ეს არის აპრილის პირველი ნახევარი, 15 აპრილამდე, როცა შეიძლება რომ ჩვენ რაღაც შედეგი დავდოთ“ - აცხადებს ქარდავა.

მისივე თქმით, პირველივე შეხვედრაზე იუსტიციის სამინისტროში, ხელისუფლების მხრიდნა მოისმენენ, რა კომპრომისზე ვერ მოდიან და რაზე შეიძლება მოხდეს კომპრომისი უმრავლესობის მხრიდან.

,,სხვა შემთხვევაში უაზრო დიალოგებში შესვლას არ ვაპირებთ, ჩვენ გვაინტერესებს, მოვისმინოთ მათი პოზიცია იმ საკითხებზე, რომელიც ჩვენი მხრიდან უკვე წარდგენილია. შეგვპირდნენ, რომ რამოდენიმე წინადადების დამატების გარდა, სერიოზულ ცვლილებებს არ უნდა ველოდოთ“ - განაცხადა ქარდავამ

პრემიერთან შეხვედრას ასევე ესწრებოდა საპარლამენტო უმრავლესობის ლიდერი ზვიად კვაჭანტირაძე, იუსტიციის მინისტრი თეა წულუკიანი და დეპუტატები ზვიად ძიძიგური, ზურაბ ტყემალაძე და გია ვოლსკი.

შეხვედრის მიზანი საარჩევნო საკითხებზე მომუშავე ჯგუფის შემადგენლობის დღის წესრიგის და რეგლამენტის დადგენა იყო.