შოთა რუსთაველის ორეულმა სრულიად სოციალური ქსელი მოიცვა. ფოტომ მისი ფეისბუკის პირად გვერდამდეც მიაღწია და გამოეხმაურა კიდეც. ბრიტანელი მოდელის რიჩარდ ბეიდალის გამოჩენას ასევე გამოეხმაურა გოგა ხაჩიძეც, რომელიც მას წინასწარ აძლევს რამდენიმე საინტერესო რჩევას:

„ძვირფასო Richard Biedul

როგორ ხარ?
...

მესმის.

განგებამ ისურვა და მთელი დარჩენილი სიცოცხლე, გინდა თუ არ გინდა ეს, "ვეფხიტყაოსნის" აჩრდილთან ერთად მოგიწევს ცხოვრება.

მე, კარგად ვიცნობ ჩემი ერის ამბიციებს და მისწრაფებებს.
ამიტომ ვფიქრობ, შორს არაა ის დღე, როდესაც ვარძიაში, შესაბამისად ჩაცმულს, ათასობით ადამიანის გარემოცვაში, პერფომანსზე მოგიწევს გამოსვლა.
...
მოგიწევს.

დამიჯერე, დრო აღარ დაკარგო რიჩარდ!

ამით დაიწყე:

"იყო არაბეთს როსტევან, მეფე ღმრთისაგან სვიანი,
მაღალი, უხვი, მდაბალი, ლაშქარ-მრავალი, ყმიანი,
მოსამართლე და მოწყალე, მორჭმული, განგებიანი,
თვით მეომარი უებრო, კვლა მოუბარი წყლიანი".