ქუთაისში ლგბტ პირთა წარმომადგენლები ქორწინების შესახებ საკონსტიტუციო ცვლილებას აპროტესტებენ.

აღნიშნულ ფაქტს უმრავლესობის წევრი თამაზ მეჭიაური "გაპიდარასტების" დაწყებას უწოდებს.

"უბრალოდ ცინიკურია, როდესაც ქუთაისში იწყება ასეთი აქცია, იმ ქალაქში, საიდანაც დავით აღმაშენებელმა ქვეყნის გაერთიანება დაიწყო. და აქედან, გაპიდარასტებას იწყებენ ზოგიერთები” - აღნიშნავს მეჭიაური.

ზაზა პაპუაშვილი დღეს მეჭიაურისგან განსხვავებით თავშეკავებული აღმოჩნდა და აქციის შესახებ კომენატრი არ გააკეთა.

"ნიუპოსტთან" საუბრისას უმრავლესობის დეპუტატმა აღნიშნა, რომ "ქორწინება არის ქალისა და მამაკაცის ერთობა".

"მეჭიაურმა გამოთქვა თავისი მოსაზრება. არ მინდა ამაზე სპეკულირება. ძალიან მოკლედ - "ქორწინება არის ქალისა და მამაკაცის ერთობაა" - ქვეყნის უმრავლესობაც ამ აზრს იზიარებს და მოვრჩეთ ამაზე საუბარს"- უთხრა "ნიუპოსტს" დეპუტატმა.

„ქუთაისში პიდარასტების აქციას თუ მოვესწრებოდი არც დამესიზმრებოდა. ჩემი სახლის წინ...“ - ეს განცხადება კი უმრავლესობის კიდევ ერთმა დეპუტატმა ომარ ნიშნიანიძეს ეკუთვნის.