"პრეზიდენტი მსხვერპლს გადაეფარა, მრისხანება თავისკენ მიმართა... მისი ქცევა იყო ზექრისტიანული"

სოც.მედია - 12:21, 18 Mar, 2016

14906

ფსიქოლოგი ნათია ფანჯიკიძე ფარულ ჩანაწერებთან დაკავშირებით პრეზიდენტის მიერ გაკეთებულ განცხადებას და ამ განცხადების შემდეგ პრეზიდენტის მისამართით აგორებულ აგრესიის ტალღას გამოეხმაურა:

"აღარ ვფიქრობდი ამ თემასთან დაბრუნებას, მაგრამ თვალში მომხვდა ორგანიზებული შეტევა პრეზიდენტ გიორგი მარგველაშვილზე მისი "სექსუალური განცხადების" გამო. გარდა იმისა, რომ პრეზიდენტის სიტყვა იყო მსოფლიო პოლიტიკის სტილისგან სრული და ლაღი გადახვევა, ყოველგვარი პოლიტიკური კონიუნქტურისგან და სკამმოყვარეობის შიშებისგან თავისუფალი, პრეზიდენტის ქცევა იყო ზექრისტიანული.
აწ უკვე მწამებლებისგან სტრატეგიულად დაგეგმილი, ადამიანის განგრძობით დროში წამების მოსალოდნელობის გათვალისწინებით, მრისხანების დიდი წილი მან თავის თავისკენ მიმართა, პრაქტიკულად ადამიანს გადაეფარა, არა გმირს, არამედ მსხვერპლს.
პრეზიდენტი, რომელსაც არ სურს იყოს ადამიანის გათელვის მომსწრე და მზადაა ყოველი მოქალაქის დასაცავად, არის იშვიათი და უდიდესი კაცთმოყვარეობის მაგალითის მიმცემი პოლიტიკოსი, რომელსაც შეუძლია პოლიტიკა და ქვეყანა გახადოს ისეთი ჰუმანური და ადამიანზე ორიენტირებული, როგორსაც ყველა ვინატრებდით.

მძიმე მარხვის დღეებია. კიდევ უკეთ გამიგებთ, ვფიქრობ."- წერს ნათია ფანჯიკიძე ფეისბუკზე.

შეგახსენებთ, საქართველოს პრეზიდენტი, ფარულ ვიდეო კადრების კიდევ ერთხელ გავრცელებას გამოეხმაურა და აღნიშნა, რომ სექსუალური ცხოვრებით ადამიანის დაჟანტაჟება მიუღებელია და სექსუალურ ცხოვრებას შავბნელი სტიგმა უნდა მოშორდეს.

"სექსი და სექსუალური ცხოვრება არ არის სამარცხვინო! მე პირადად მაქვს სექსუალური ცხოვრება, მქონია სექსუალური ცხოვრება ძალიან მდიდარი და მექნება მომავალში. იცოდეთ, ყოველთვის დაგიცავთ თქვენ და ამ თემას ყოველთვის მოვაშორებ უაზრო, შავბნელ სტიგმას.

ახლა იმ შავბნელებს, ვინც აპირებთ, რომ აშანტაჟოთ ჩემი მოსახლეობა და ჩვენი საზოგადოება - თითოეულს გიპოვით და ვერ გაიტანთ საქართველოში ადამიანების შეშინებას, ძალადობას და ტერორს! თქვენი ამ შავაბნელი იდეებით, არასდროს ცხოვრობდა ქართველი. ქართველი, რომელიც იყო თავისუფალი!"- განაცხადა მარგველაშვილმა.