სოფელ მოხისის მოსახლეობამ მძიმე ტექნიკას ავტობანის სამშენებლო სამუშაოების გაგრძელების ნებართვა არ მისცა.

როგორც ადგილობრივები აცხადებენ, ადგილი, საიდანაც გრუნტის მიწის აღებას აპირებენ, მათი სოფლის კუთვნილი საძოვარი ტერიტორიაა.

აქციის მონაწილეების განცხადებით ტექნიკამ ჟურნალისტების გამოჩენისთანავე დატოვა ტერიტორია, თუმცა ფიქრობენ, რომ ისინი კვლავ შეეცდებიან სამუშაოების გაგრძელებას.

მოსახლეობის განცხადებით, ეს ტერიტორია სოფლის ერთადერთი საძოვარია და მის დათმობას არ აპირებენ.