ვენეციის კომისიის დასკვნასთან დაკავშირებით ინტერპარტიული ჯგუფი პრემიერ-მინისტრთან შეხვედრას ელოდება. ოპოზიციაში აცხადებენ, რომ ვენეციის კომისიის მიერ წარდგენილი რეკომენდაციების გათვალისწინებას მთავრობა არ აპირებს.

„ამ ვითარებაში, როდესაც საზოგადოების განწყობა არჩევნების მიმართ არის სრულიად ნეგატიური, ის რაც სურს ხელისუფლებას, ფაქტია, არავინ შეეგუება, რადგან ეს ქმნის ქვეყანაში საარჩევნო პროცესებისადმი ნდობის პრობლემას. მე მგონია, რომ უკვე პოლიტიკურ პარტიებს უნდა გასცდეს ეს პროცესი და საზოგადოება უნდა ჩავრთოთ, რათა განხორციელდეს სერიოზული ზეწოლა ხელისუფლებაზე, ნებისმიერი ფორმით, რომელიც არის მისაღები პოლიტიკაში“, - განაცხადა ბაჩუკი ქარდავამ.