ვენეციის კომისიის დასკვნასთან დაკავშირებით ინტერპარტიული ჯგუფი პრემიერმინისტრთან შეხვედრას ელოდება. ოპოზიციაში აცხადებენ, რომ ვენეციის კომისიის მიერ წარდგენილი რეკომენდაციების გათვალისწინებას მთავრობა არ აპირებს.

"ის, რომ ამ არჩევნებს ქვეყნის შიგნით ლეგიტიმაცია აღარ აქვს, ხელისუფლებას კარგად ესმის. ამას თუ ისიც დაემატა, რომ საერთაშორისო დელეგიტიმაციაც მოხდა არჩევნების, ამას საქართველოში ყოველთვის რევოლუცია მოყვება. იმიტომ რომ ჩვენ მივიღებთ არჩევნებს, რომელიც საზოგადოების თვალში ნაცრის შეყრა იქნება. 2017 წელი რევოლუციური განწყობების სერიოზულად წარმოჩენის წელი იქნება,“- განაცხადა გაერთიანებული დემოკრატიული მოძრაობის ერთ-ერთმა ლიდერმა, გიორგი ახვლედიანმა.