საფრთხე ექმნება არჩევნების ლეგიტიმურობის საკითხს - გიორგი ახვლედიანი ვენეციის კომისიის კრიტიკულ დასკვნაზე

პოლიტიკა - 20:21, 16 Mar, 2016

1447

ვენეციის კომისიამ და ეუთომ საქართველოში საარჩევნო კოდექსის ცვლილებასთან დაკავშირებით ერთობლივი დასკვნა მოამზადა.

ევროპული ორგანიზაციის ექსპერტები ხელისუფლებას რეფორმირების პროცესში ნაჩქარევი გადაწყვეტილებების გადახედვას და პროცესში ჩართული მხარეების - ოპოზიციური პარტიებისა და არასამთავრობო ორგანიზაციების პოზიციების გათვალისწინებას ურჩევენ.

დოკუმენტში საარჩევნო კოდექსის რეფორმირების პროცესი უარყოფითადაა შეფასებული.

ინტერპარტიული ჯფუფის წევრი "ნიუპოსტთან" საუბრისას აცხადებს, რომ ვენეციის კომისიის წარმომადგენლები ღიად ასახელებენ პრობლემას - რომ ხელისუფლებამ ყოველგვარი კონსენსუსის გარეშე მიიღო საარჩევნო კანონი.

"დემოკრატიული საქართველოს" ერთ-ერთი ლიდერი აცხადებს, რომ ხელისუფლებამ უგულვებელჰყო ვენეციის კომისია, როცა კანონი ისე მიიღო, რომ კომისიის დასკვნას არ დაელოდა.

"ვენეციის კომისიას კანონპროექტი 6 თვით ადრე უნდა გადაუგზავნო, ის გეტყვის არის თუ არა ის შესაბამისობაში ევროპულ სტანდარტთან, არის თუ არა რამე შესაცვლელი. როცა ვენეციის კომისიას უკვე დამტკიცებულ კანონპროექტს უგზავნი ეს არის თვალში ნაცრის შეყრაა. ეს ხკლისუფლებას ძალიან ცუდად მოუბრუნდება. ვენეციის კომისია აუცილებლად მიაწვდის ამ ინფორმაციას ყველა საერთაშორისო ორგანიზაციას. ეს კი ბუნებრივად აისახება არჩევნების შეფასებაზე- შესაძლოა დადგეს არჩევნების ლეგიტიმურობის საკითხი"- აღნიშნა გიორგი ახვლედიანმა.