ეს დასკვნა სარჩელის მიზეზი შეიძლება გახდეს - ზურაბ ხარატიშვილი ვენეციის კომისის კრიტიკულ დასკვნას აფასებს

პოლიტიკა - 19:58, 16 Mar, 2016

1444

პოლიტიკური გაერთიანება „სამოქალაქო ალიანსი თავისუფლებისათვის“ ლიდერმა ზურაბ ხარატიშვილი ვენეციის კომისიისა და ეუთოს მიერ საქართველოში საარჩევნო კოდექსის ცვლილებასთან დაკავშირებით მომზადებულ დასკვნას "ნიუპოსტთან" აფასებს.

ხარატიშვილი ამბობს, რომ აღნიშნული დასკვნა სარჩელის მომზადების საფუძველს იძლევა.

"ვენეციის კომისიის დასკვნა საკმაოდ კრიტიკულია. მართალია ვენეციის კომისია მიესალმება ბარიერის 50%-მდე გაზრდას მაჟორიტარულ ოლქებში, თუმცა იქვე აღნიშნავს რომ მოხდა მთელი რიგი შეუსაბამობები იგივე საზღვრების ხელახალი დაყოფასთან დაკავშირებით - არ ჩამოყალიბდა კრიტერიუმები, თუ რა პრინციპით დაიყო. კომისია ცალსახად ამბობს იმასაც რომ ეს დაყოფა დამოუკიდებელმა ორგანომ უნდა განახორციელოს და არა საპარლამენტო კომიტეტმა. ამასთან კომისია შეშფოთებას გამოთქვამს იმაზეც, რომ არსებული 30 ოლქი კვლავაც საზღვრების დადგენის გარეშეა დარჩენილი. დასკვნაში ხაზგასმულია რომ საარჩევნო ცვლილებისას გამჭვრვალეობა არ შეინიშნებოდა და მასში მონაწილეობა არ მიუღიათ დაინტერესებულ ჯგუფებს. საბოლოო ჯამში დასკვნა უარყოფითია, პირადად ჩემი მოსაზრებით, "ქართული ოცნების" მიერ მიღებული კანონპროექტი არ შეესაბამება ეუთოს და ვენეციის კომისიის სტანდარტებს. ის არ შეესაბამება საქართველოს საკონსტიტუციო სასამართლოს მოთხოვნებს ეს ყველაფერი კი მორიგი სარჩელის სარჩელის მიზეზი შიძლება გახდეს. რადგან ეს დასკვნა მაღალი საექსპერტო დასკვნად თავისუფლად შეიძლება ჩაითვალოს"- აღნიშნა ხარატიშვილმა.