რუსეთის ფედერაციის საგარეო საქმეთა მინისტრის მოადგილის, გრიგორი კარასინის განცხადებას ოფიციალური თბილისის მიმართ, მმართველი პარტიის წევრი, ლევან ბერძენიშვილი გამოეხმაურა:

„ძალიან უცნაურად ემთხვევა ერთმანეთს ეს ორკესტრირებული ამბები. კარასინის გამოსვლები და ცალკეული ადამიანების გამოსვლები. მაგალითად თინათინ ხიდაშელის წინააღმდეგ, მუქარა ჩვენ ყველაფერს ვერ მოვითმენთ და სხვა. ჩვენ ძალიან ბევრ რამეს ვითმენთ, ვითმენთ, რომ ტერიტორიის 20 პროცენტი არის ოკუპირებული, ჩვენ ვხედავთ, რომ მთელი მსოფლიო ცდილობს შეაჩეროს რუსეთის მზარდი აგრესიული გეგმები. მე არ ვიცი რას მიაღწევს ბატონი კარასინი, ვინც შეუშინებია ის შეაშინოს, საქართველოს სვლა ევროინტეგრაციისკენ არის გარდაუვალი“, - განაცხადა ლევან ბერძენიშვილმა.