კონსტიტუციური უსაფრთხოების სამსახურის დეპარტამენტის ყოფილი თანამშრომელი ორი საათის განმავლობაში მთავარ პროკურატურაში დაკითხვაზე იმყოფებოდა. თემურ კენკებაშვილი მოწმის სტატუსით უკვე მეორედ დაიკითხა. იგი საგამოძიებო უწყებაში ფარულ ჩანაწერებთან დაკავშირებით იყო დაბარებული.

დეტალებზე კენკებაშვილი ამ ეტაპზე ვერ საუბრობს და არ გამორიცხავს, რომ მას საგამოძიებო უწყებაში მისვლა კვლავ მოუწიოს.

„ძველი დაკითხვა ეხებოდა „ქრონიკა +“ - ში მიტანილ პირადი ცხოვრების ამსახველ კადრებს, ეს დაკითხვაც ეხებოდა ერთ-ერთ ძალიან მნიშვნელოვან თემას, რომელზეც დღეს პროკურატურაში გამოძიება მიმდინარეობს და უბრალოდ მოწმის სტატუსით მოხდა ჩემი გამოკითხვა. მათ გარკვეული დეტალები აინტერესებდათ, რომელზეც მე სამწუხაროდ საუბრის უფლება არ მაქვს“, - განაცხადა კენკებაშვილმა.