,,რომ მცოდნოდა, ერთი ადამიანი მის საძინებელში ვინმემ ჩაწერა, ჩემი ფეხი არ იქნებოდა იმ მთავრობაში“

,,რომ მცოდნოდა, ერთი ადამიანი მის საძინებელში ვინმემ ჩაწერა, ჩემი ფეხი არ იქნებოდა იმ მთავრობაში“ - ნიკა გვარამია

პოლიტიკა - 00:33, 16 Mar, 2016

10859

ეკა ბესელიას ბრალდებებს ,,არჩევანის“ ეთერში უპასუხა რუსთავი 2-ის გენერალურმა დირექტორმა. ნიკა გვარამიამ წინა ხელისუფლების პირობებში გამოქვყნებულ იმ მასალებზე ისაუბრა, რაზეც ეკა ბესელიამ განაცხადა, რომ კადრები ასევე იყო პირადი ცხოვრების ამსახველი, რომელიც შესაბამისი უწყებების ნებართვის გარეშე ქვეყნდებოდა. გვარამიას განმარტებით, მისი ხელისუფლების პერიოდში გამოქვეყნებული ფარული ჩანაწერები ძირითადად ეხებოდა რუსეთის სპეცსამსახურებთან საუბარს, რაც, მისი თქმით, პირადი ცხოვრების ამსახველ მასალად ვერ ჩაითვლება.

„მე ვფიქრობ, რომ მაშინ გაიხსნა ეს პანდორას ყუთი, რომელიც დღემდე ვერ დაკეტა საქართველომ, მაგრამ არც ერთი ეს გამოქვეყნებული მასალა არ იყო პირადი ხასიათის. ყველა იყო ქართველი პოლიტიკოსების პირადი საუბარი რუსეთის საელჩოს თანამშრომლებთან. ეს არ არის პირადი ურთიერთობის ამსახველი. ქართველი პოლიტიკოსების მათთან კომუნიკაცია აღძრავს სამართლებრივ ეჭვებს.

რუსთავი 2-ის გენერალური დირექტორის თქმით, მან წინა ხელისუფლებაში ყოფნის პერიოდში არ იცოდა, რომ ამ ტიპის ვიდეო ჩანაწერები კეთდებოდა

„რომ მცოდნოდა კიდევაც, რომ ერთი ადამიანი მის საძინებელში ვინმემ ჩაწერა, გამოქვეყნებაზე საერთოდ ლაპარაკი არ არის, ჩემი ფეხი არ იქნებოდა იმ მთავრობაში,“ - განაცხადა ნიკა გვარამიამ.