ჟურნალისტი ინგა გრიგოლია საქართველოში უკანასკნელ დღეებში მიმდინარე მოვლენებს კიდევ ერთხელ ეხმაურება. გრიგოლიამ ტელეკომპანია „რუსთავი 2“-ის გადაცემა „არჩევანში“ აღნიშნა, რომ იგი 2012 წლის არჩევნებამდე, მასზე ფარული ჩანაწერების არსებობის შესახებ გააფრთხილეს:

„მე მქონდა ინფორმაცია, გასულ წლებში, ეს იყო 2012 წლამდე, არჩევნებამდე, როცა შემატყობინეს, რომ ჩემი პირადი ცხოვრების ამსახველი კადრები უკვე არსებობდა. მე მაშინ ვიყავი პოლიტიკაში. მაგრამ ის ფაქტი, რომ მე ამის შესახებ გამაფრთხილეს 2012-ში ეს არ ნიშნავს იმას, რომ იგივე არ ხდება დღეს. მე უნდა ვიყო ობიექტური და უნდა ვთქვა, რომ ინფორმაცია, რომელიც მე გამაჩნია, შეიძლება შემდეგი არის, ამას მას შემდეგ ვნახავთ, რაც მე არ წავალ საქართველოდან. მე ძალიან გავბრაზდი გუშინ და ჩემს თავში მოხდა უცნაური რამ. გიგი უგულავა და დათო ბაქრაძე თვითონვე საუბრობდნენ რომ 2012 წლამდე მათაც კი ურებდნენ მეუღლეებთან ერთად. ის რაც დღეს ჩემს ქვეყანაში ხდება არის ყოვლად ზღვარსგადასული. მე მეგონა ის პოლიტიკოსი, რომლის კადრებიც ვნახეთ უბრალოდ თავს მოიკლავდა ან გული გაუსკდებოდა“, - განაცხადა ინგა გრიგოლია.

გრიგოლია ფიქრობს, რომ ეს ყოველივე საარჩევნოდ ხდება, რასაც შესაძლოა უმართავი პროცესები მოჰყვეს.

,,არ ვყოფილვარ არც ერთ აქციაზე, თუმცა მივდივარ შაბათს, ეს თუ ვინმემ არ შეაჩერა სიტუაცია კონტროლიდან გამოვა. ეს საარჩევნოდ ხდება"- თქვა ჟურნალისტმა.