,,გარკვეულ პოლიტიკურ ძალებს აწყობთ თსუ-ში არეულობა, რომ შემდეგ გადაედოს მთელ ქვეყანას“

,,გარკვეულ პოლიტიკურ ძალებს აწყობთ თსუ-ში არეულობა, რომ შემდეგ გადაედოს მთელ ქვეყანას“ - ლადო პაპავა

პოლიტიკა - 18:04, 15 Mar, 2016

1952

ლადო პაპავამ სტუდენტებთან დღევანდელი შეხვედრის შემდეგ აღნიშნა, რომ ძალიან ბევრ საკითხზე იმსჯელეს, რექტორის გადადგომის საკითხი კი, შეთანხმებული არ არის.

„მე არ ვაპირებ გადადგომას. ავუხსენი მათ, რა სიტუაციაც არის. ისინი მიმართავენ იმ ფორმას, რა ფორმაც აირჩიეს. რჩებიან აკადემიური საბჭოს ოთახში. მე მივეცი მათ პირობა, რომ მათზე რაიმე ზეწოლა, ზეგავლენა დაცვის სამსახურის ან პოლიციის მხრიდან არ განხორციელდება. მათ არავინ არ დაარბევს“,-აღნიშნა თსუ-ს რექტორმა.

როგორც, პაპავას ამბობს გარკვეულ პოლიტიკურ ძალებს აწყობთ, იყოს თსუ-ში არეულობა, რომ შემდეგ გადაედოს მთელ ქვეყანას- „ეს ძალები არსებობენ როგორც ქვეყნის შიგნით, ასევე ქვეყნის გარეთ. ვისაც ქვეყანა უყვარს, ვისაც უნივერსიტეტი უყვარს, არავის უნდა დესტაბილიზაცია“,-აღნიშნა პაპავამ და დასძნა, რომ უნდა მოვძებნოთ საერთო შესაძლებლობები, გამოიძებნოს კონსესუსი.

„ჩვენ არ გვყავს დიდი რაოდენობის დაცვის თანამშრომელი, ამიტომ მოგვიწია პოლიციის გამოძახება, რადგან მარტო დაცვის სამსახური ვერ უზრუნველყოფდა ახალგაზრდების დაშორიშორებას. მოშიმშილე სტუდენტებს ვუთხარი, რომ ეს მათი უფლებაა. არავინ აპირებს მათ ოთახიდან გაშვებას, ჩვენ ახლაც შევთავაზეთ წყალი, რაც არის საჭირო შიმშილობისთვის, ყველაფრით უზრუნველყოფილნი იქნებიან. საუბარს და დიალოგს ვაგრძელებთ“,-აღნიშნა ლადო პაპავამ.