პარტია „თავისუფალი დემოკრატები“ პირადი ცხოვრების ამსახველი ვიდეოკადრების გავრცელებასთან დაკავშირებით განცხადებას აკეთებს.

ბრიფინგის მსვლელობისას ირაკლი ჩიქოვანმა განაცხადა, რომ აღნიშნული დანაშაულის გამოძიებას შოთაძის პროკურატურა ვერ შეძლებს, პარტია კი პრემიერმინისტრთან კონსულტაციების დაწყებას ითხოვს:

„ჩვენ და ჩვენი ქვეყანა მნიშვნელოვანი გამოწვევის წინაშე დგას ამ დღეებში, სახელმწიფო უნდა შედგეს ძლიერ მექანიზმად, ბრძოლა ყოველგვარ წითელ ზღვარს გასცდა, მაგრამ საზოგადოებამ შეძლო ღირსეული პასუხის გაცემა. თავარია, რომ არც საზოგადოება და არც თითოეული მოქალაქე არ შეუშინდა ამ გამოწვევებს. შეუძლებელია ამ ქყვეყანაში განმეორდეს ადამიანების შანტაჟი, ეს პასუხი მხოლოდ ხელისუფლების გასაცემი არ არის. დიდი ალბათობით, ხელისუფლების ნაწილს აქვს ამ ყველაფერში მონაწილეობა მიღებული და ვფიქრობთ, რომ შოთაძის პროკურატურა ამ საქმის გამოძიებას ვერ შეძლებს. მნიშვნელოვანია, რომ საზოგადოებაში ერთხელ და სამუდამოდ შეწყდეს ასეთი საქციელი და დავასრულოთ ასეთი ბინძური კამპანია, ვთხოვთ პრემიერს დაუყოვნებლივ კონსულტაციას. თავისუფალ დემოკრატებს გვაქვს შემუშავებული წინადადებათა პაკეტი, რომელიც არის სამუშაო გეგმა და მოიცავს კონკრეტულ ნაბიჯებს. ამ დანაშაულის წინააღმდეგ ბრძოლა უნდა იყოს ეფექტური და უსწრაფესი, ყველა უნდა აღვუდგეთ ამ დანაშაულს“, - განაცხადა ირაკლი ჩიქოვანმა.