რიგით 64-ე შეხვედრა ერგნეთში - მთავარი განსახილველი თემა მცოცავი ოკუპაციაა

პოლიტიკა - 13:44, 15 Mar, 2016

1415

ჯარიაშენში საოკუპაციო რეჟიმის მიერ დაწყებული გზის მშენებლობის სამუშაოებია ერგნეთში ინციდენტების, პრევენციისა და მათზე რეაგირების მექანიზმის სამუშაო ჯგუფის შეხვედრის მთავარი თემა. როგორც ,,ნიუპოსტის" კორესპონდენტი იტყობინება, ქართული მხარე შეხვედრაზე ჯარიაშენში არსებული ვითარების მსგავსად ყველა იმ საკითხის დაყენებას გეგმავს, რომელიც საოკუპაციო ხაზთან მცხვრებ მოქალაქეებს პრობლემებს უქმნის. "დღევადელ შეხვედრაზე განვიხილავთ საოკუპაციო ხაზის მიმდებარე ტერიტორიაზე, უკანონო მავთულხლართებით, ღობეებით და ე.წ. საზღვრის აღმნიშვნელი ბანერებით გამოწვეულ ვითარებას. რომელიც პრობლემებს უქმნის ჩვენს მოსახლეობას და ხელს უშლის მათ თავისუფალ გადაადგილებას. აუცილებლად დავაყენებთ საკითხს, ბოლო დღეების განმავლობაში, გორის რაიონის სოფელ ჯარიაშენის მიმდებარე ტერიტორიაზე, საოკუპაციო ძალების მხრიდან განხორციელებული უკანონო ქმედებების თაობაზე"-აცხადებს შსს საინფორმაციო ანალიტიკური დეპარტამენტის უფროსის მოადგილე დავით კობახიძე. შეხვედრის დაწყების წინ ოსური მხარის წარმომადგენლებს კომენტარი არ გაუკეთებიათ. რიგით 64-ე შეხვედრა ერგნეთში 11 საათზე დაიწყო.