"ვერსიამ, რომ "ისევ ნაციონალები გვებრძვიან", ნახევარი საათიც ვერ გაძლო"- თარგამაძე დაკავებებს გამოეხმაურა

სოც.მედია - 13:10, 15 Mar, 2016

5441

დღეს 157-ე მუხლით ზურაბ ჯამალაშვილის დაკავებას „ნაციონალური მოძრაობის“ წევრი გივი თარგამაძე სოციალურ ქსელში ეხმაურება:

„ისევ ჩვეულ ხარახოზუმს ვუცქერთ: დილიდან ტვ იმედის მიერ ზარზეიმით გამოცხადებულმა ვერსიამ, რომ ვიდეოების გავრცელებაზე კუდის ყოფილი მაღალჩინოსანი, ერთერთი დეპარტამენტის ხელმძღვანელი და ადვოკატი დააკავეს, ანუ, "ისევ ნაციონალები გვებრძვიან", ნახევარი საათიც ვერ გაძლო. ადვოკატის დაკავებას პროკურატურა არ ადასტურებს. ზურაბ ჯამალაშვილს ბოლო ორი დღის ვიდეოების ატვირთვას არ ედავებიან. მეტიც, მას არც კუდში, არც შსს-ში არ უმუშავია, კუდს საერთოდ არ ჰქონდა დეპარტამენტები, თავად იყო დეპარტამენტი. კუდისთვის კომპიუტერული ვირუსის შემქმნელ შვილთან ზურაბ ჯამალაშვილს ურთიერთობა არ ჰქონდა, მეუღლეს გაცილებული იყო და მისი ვაჟი სხვა მამაკაცმა გაზარდა. განრიდებულ ვაჟს ეს ხელისუფლება ეთანამშრომლებოდა. მოკლედ, უნიათოებო, უხეირო სპეცეფექტებს გაეშვით. მორიგ ჩოკუტაევებს და ჰაკიმფაშებს ნუ ტენით საზოგადოებას. თქვენ ამ საქმეზე სიმართლის მთქმელები არ ხართ, ვინაიდან, ყველამ იცის ბოროტების სახელი და გვარი - ბიძინა ივანიშვილი, რომელსაც, თქვენთან ერთად, ქვეყანა 7 თვეში დაემშვიდობება.“- წერს გივი თარგამაძე ფეისბუკზე.