საქართველოს პარლამენტში ახალი საკონსტიტუციო ცვლილების ინიციატივა დარეგისტრირდა, რომლის მიხედვითაც კონსტიტუციაში უნდა ჩაიწეროს, რომ ოჯახი მამაკაცისა და ქალის ერთობაა. ინიციატივა პარლამენტში 80 დეპუტატის ხელმოწერით შევიდა.

„მე მესმის, არსებობს დიდი ეჭვები იმის თაობაზე, რომ შესაძლებელია ამ ცვლილებამ ვერ შეაგროვოს 114 ხმა, მაგრამ არც მთლად მასეა საქმე, როგორც ზოგიერთს მიაჩნია. ჩვენი ინფორმაციით უმცირესობის რამდენიმე წევრს აქვს სურვილი, რომ შემოუერთდეს, შესაძლოა ეს რიცხვი კიდევ გაიზარდოს“, - განაცხადა ზვიად კვაჭანტირაძემ.

როგორც ცნობილია „ნაციონალური მოძრაობა“ აღნიშნულ ცვლილებას მხარს არ უჭერს. უმცირესობაში აცხადებენ, რომ სამოქალაქო კოდექსში ნათლად არის განსაზღვრული რა არის ოჯახის ინსტიტუტი.