ინტერნეტსივრცეში პირადი ცხოვრების ამსახველი ფარული ვიდეოკადრების გავრცელების ფაქტს „თავისუფალი დემოკრატების“ წევრი, გიორგი ცაგარეიშვილი ეხმაურება. მისი განმარტებით, მსგავსი მასალების გავრცელება ქართულ სახელმწიფოებრიობას ანგრევს:

„ამგვარი ვიდეოების გავრცელება ანგრევს ქართულ სახელმწიფოებრიობას და აცლის ძირს, ამგვარი ტერორი, მე ვფიქრობ ძალიან დიდი უბედურების მომტანია ყველასთვის სახელმწიფოსთვის, ჩვენი საზოგადოებისთვის. მითუმეტეს, მოახლოებული არჩევნების ფონზე, ამან შეიძლება გამოუსწორებელი ზიანი მიაყენოს ჩვენს სახელმწიფოებრიობას. მსურს მოვუწოდო საქართველოს ხელისუფლებას ყველაფერი გააკეთოს იმისათვის, რათა ძირშივე იყოს აღკვეთილი ამ საშინელებების გავრცელება“, - განაცხადა გიორგი ცაგარეიშვილმა.