,,ვაიბერ მიმოწერებიც წარმომიდგინა და ისიც დააყოლა, ეს ზღვაში წვეთია საერთო მტკიცებულებებთან შედარებითო“

პოლიტიკა - 14:34, 13 Mar, 2016

30803

ჟურნალისტი ეკა მიშველაძე ფარული ვიდეო კადრების გავრცელების ფაქტს ეხმაურება და აცხადებს, რომ პირად ცხოვრებაში ბინძური ჩარევის გარდა, არანაკლებ მნიშვნელოვანია, თუ როგორ ხვდება მთელი ფაილები რიგითი, თუნდაც უაღრესად დაინტერესებული მოქალაქის ხელში.

ეკა მიშველაძე სესიაშვილის განცხადებასაც პასუხობს და ამბობს, რომ თვალთვალი მიმდინარეობდა არა მასზე, არამედ პოლიტიკოს ალექსი პეტრიაშვილზე. მიშველაძე მზად არის აღნიშნულ საკითხზე გამოძიებასთან ითანამშრომლოს.

"მართალი თქვა გუშინ "რუსთავი 2"-ზე სესიაშვილმა, იმ მომენტში მე მართლაც არ მსურდა მაგ თემაზე საუბარი, გარკვეული გარემოებების გათვალისწინებით. თუმცა კიდევ ერთხელ ვიმეორებ, თვალთვალიც და მოსმენაც იყო... ოღონდ ოპოზიციონერ პოლიტიკოსზე ბუკა პეტრიაშვილზე და არა ჩემზე. ბუკამ და მე ამის შესახებ მოგვიანებით რამდენიმე წყაროდან შევიტყვეთ. უფრო გვიან კი, ჩემი და ბუკას ვაიბერ მიმოწერებიც წარმომიდგინა ერთმა პიროვნებამ და ისიც დააყოლა, ეს ზღვაში წვეთია საერთო მტკიცებულებებთან შედარებითო. ერთი უბედურებაა უკანონო თვალთვალი და პირად ცხოვრებაში ბინძური ჩარევა, მაგრამ არანაკლებ საგანგაშოა, თუ საიდან ხვდება მთელი ფაილები რიგითი, თუნდაც უაღრესად დაინტერესებული მოქალაქის ხელში. აი, რა უნდა დაადგინოს გამოძიებამ!", – აცხადებს მიშველაძე.