ლადო პაპავა თსუ-ში მიმდინარე პროცესებში პირად ინტერესებს გამორიცხავს

პოლიტიკა - 23:59, 12 Mar, 2016

1914

სახელმწიფო უნივერსიტეტის რექტორი ლადო პაპავა თსუ-ში მიმდინარე პროცესებში პირად ინტერესებს კატეგორიულად გამორიცხავს. პაპავა არ იზიარებს ბრალდებებს და ამბობს, რომ თუკი ვინმეს არ სჭირდება უნივერსიტეტში კონფრონტაციული რეჟიმი, ეს პირველ რიგში არის რექტორი.

,,ნებისმიერი ასეთი აქცია რეპუტაციას ულახავს რექტორს და დღის წესრგში აყენებს საკითხს, თუ რამდენად უძვება ის დაწესებულებას. მე ამ ბრალდებას ვერ გავიზიარებ. თუკი ვინმე ნერვიულობს ყველაზე მეტად მე ვნერვიულობ. ვინმეს, რომ რამე მოუვიდეს უპირველეს ყოვლისა ჩემი პასუხისმგებლობაა და ჩემი დამოკიდებულება არის უკიდურესად ფრთხილი,“ - განაცხადა პაპავამ ,,კურიერის“ ეთერში.

რაც შეეხება გაფრინდაშვილის საკითხ, პაპავა ამბობს, რომ კანდიდატურას მოხსნის თუ არა, ეს მისი გადასაწვეტია. ,,თუ გიორგი გაფრინდაშვილმა თავის კანდიდატურა არ მოხსნა, მაშინ სენატი აუცილებლად უნდა შეიკრიბოს, უყაროს კენჭი, ეს არის ფარული და მიიღოს გადაწყვეტილება, აირჩევს თუ არა კანცლერის პოსტზე“ - აცხადებს პაპავა.

პაპავა ამბობს, რომ თუკი აირჩევენ გაფრინდაშვილს, რექტორს ევალება ითანამშრომლოს. ,,რაც შეეხება პირადად ჩემს დამოკიდებულებას, მიუხედავად იმისა, რომ მე მისთვის ხმა არ მიმიცია, ის არის კარგი სპეციალისტი, რომელმაც კარგად იცის კანცლერის ფუნქციები. მან არცთუ დიდი ხნის წინ დაიცვა დისექრტაცია სახელმწიფო შესყიდვების პოლიტიკაზე, მე მას ვახსიათებ როგორც კომპეტენურ ადამიანს, მიუხედავად ამისა, მე მისთვის ხმა არ მიმიცია“.

არის თუ არა ეს გარედან მართული პროცესი, პაპავა ამბობს, რომ სტუდენტები ყველა თაობაში იყვნენ მაქსიმალისტები, ,,მაგრამ დავიჯერო ის, რომ ვინმე მართავს ღიმილის მომგვრელია, თუმცა ამ აქციასაც სადღაც წერიტლი უნდა დაესვას. სტიდენტების პოზიცია მოვისმინეთ, გაფრინდაშვილის პოზიციაც ცნობილია“ - აცხადებს პაპავა.

სახელმწიფო უნივერსიტეტში ოდეერების არსებობასთან დაკავშირებით განათლების მინისტრის კატეგორიული უარყოფის მიუხედავად ლადო პაპავა საკუთარ პოზიციას არ ცვლის და უნივერსიტეტში ოდეერები ყოფნას კვლავ ადასტურებს.