საპარლამენტო უმრავლესობის დეპუტატი, ნუკრი ქანთარია „ქართული ოცნების“ პოლიტსაბჭოზე რესპუბლიკელებისა და მრეწველების დაპირისპირების საკითხის განხილვას არ გამორიცხავს:

„არ არის გამორიცხული, რომ ეს საკითხიც იყოს განხილული თუ ამის აუცილებლობა იქნება. არავის არ სიამოვნებს ასეთი დაპირისპირებისა და კინკლაობის ფონი, ბუნებრივია არც ჩვენს საზოგადოებას. არც მარადიული კითხვები - დაიშლება თუ არ დაიშლება კოალიცია. კოალიციები არ არის მარადიული და გარკვეული ინტერესები როდესაც ქრება, ისინი იშლებიან, გამოჩნდება ყველაფერი.“ - განაცხადა ნუკრი ქანთარიამ.