არასამთავრობო ორგანიზაცია „საქართველოს რეფორმების ასოციაციის“ დირექტორის სერგი კაპანაძის განცხადებით დღეს გავრცელებულ პირადი ცხოვრების ამსახველ კადრებზე პასუხისმგებლობა ხელისუფლებას უნდა დაეკისროს:

„პასუხისმგებლობა ამ სამარცხვინო ვიდეოზე მთლიანად ხელისუფლებას უნდა დაეკისროს. პირველ რიგში იმის გამო, რომ როდესაც ანალოგიური ვიდეოები გაავრცელა ხვედელიძემ, არანაირი სასჯელი არ მიუღია. მერე იმიტომ, რომ არც ერთი მსგავსი საქმე არ გამოუძიებია. და ბოლოს, იმიტომ, რომ თავად აქცია პირადი ცხოვრების კადრების, თუ წამების კადრების ჩვენება პოლიტიკური ბრძოლის ნაწილად. ჰოდა, მოუბრუნდება უკან, ძალიან მალე. ამ ვიდეოთი კი ვერც თავისუფალ დემოკრატებს დააკლებენ ვერაფერს და ვერც ხელისუფლებაში დარჩებიან.“- წერს სერგი კაპანაძე ფეისბუკზე.