სტუდენტური მოძრაობის ერთ-ერთი ლიდერის ლევან ლორთქიფანიძის განცხადებით უნივერსიტეტში მნიშვნელოვანი პროცესები მიმდინარეობს და სტუდენტები უნივერსიტეტის ავტონომიის შეზღუდვას აპროტესტებენ. ლორთქიფანიძის თქმით აკადემიური საბჭოს წევრები პირად საუბრებში აცხადებენ, რომ მათზე ზეწოლა განხორციელდა და კანცლერის კანდიდატურის წარდგენა ამ ზეწოლის შედეგად განხორციელდა.

„გიორგი გაფრინდაშვილი არის ერთ-ერთში ლევან მურუსიძე უნივერსიტეტისთვის“- განაცხადა ლევან ლორთქიფანიძემ.

„რევანშს გეგმავენ ისეთი ადამიანები, რომლებიც ყველა მთავრობის მსახურები იყვნენ და ყველა მთავრობას სჭირდება ასეთი მონები.“- აღნიშნა ლორთქიფანიძემ.

ლორთქიფანიძის თქმით რექტორ ლადო პაპავას წინააღმდეგ შანტაჟი მიმდინარეობს, ამაში კი ლორთქიფანიძე იურიდილი ფაკულტეტის ხელმძღვანელს ადანაშაულებს. მისი თქმით გიორგი გაფრინდაშვილის მხარდამჭერი სწორედ ეს ფაკულტეტია, მის ხელმძღვანელს კი კანცლერადაც თავისი მხარდაჭერილი ადამიანის გაყვანა უნდათ და ცდილობენ, რომ უნივერსიტეტის რექტორიც შეცვალონ და ამ თანამდებობაზე მათ გავლენის ქვეშ მყოფი ადამიანი მოვიდეს, ან თავად იურიდიული ფაკულტეტის ხელმძღვანელი ირაკლი ბურდული გახდეს რექტორი.