საქართველოს და აზერბაიჯანის პრეზიდენტებმა ენეგეტიკული პროექტები განიხილეს- აბაშიშვილი

პოლიტიკა - 19:50, 10 Mar, 2016

1229

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით საქართველოსა და აზერბაიჯანის პრეზიდენტებმა შეხვედრაზე მნიშვნელოვანი ენერგეტიკული პროექტები განიხილეს და ენერგეტიკულ და სავაჭრო-ეკონომიკურ თანამშრომლობაზე იმსჯელეს.

როგორც გიორგი აბაშიშვილმა აღნიშნა, გიორგი მარგველაშვილის და ილჰამ ალიევის შეხვედრის მთავარი თემა რეგიონში არსებული უსაფრთხოების გარემო იყო. „ორი ქვეყნის პრეზიდენტმა რუსეთ-თურქეთს შორის არსებული დაძაბული ურთიერთობები განიხილეს, ხაზგასმით აღინიშნა, რომ მნიშვნელოვანია ამ დაძაბულობამ ნეგატიური გავლენა არ ჰპოვოს რეგიონის სხვა ქვეყნებზე. ასევე საუბარი შეეხო ქვეყნებს შორის თანამშრომლობას ენერგეტიკულ და სავაჭრო-ეკონომიკურ სფეროებში. ხაზგასმით აღინიშნა, რომ ორ ქვეყანას აქვს ძალიან მნიშვნელოვანი როლი არა მხოლოდ ურთიერთთანამშრომლობის, არამედ სავაჭრო პარტნიორობის მიმართულებითაც. მხარეებმა ენერგეტიკული პროექტებიც განიხილეს, რომლებიც არა მხოლოდ რეგიონის ქვეყნების, არამედ მთლიანად ევროკავშირის ენერგეტიკულ უსაფრთხოებას უზრუნვეყლოფს. გიორგი მარგველაშვილმა და ილჰამ ალიევმა საუბრისას ასევე ყურადღება გაამახვილეს ისეთ სატრანსპორტო პროექტზე, როგორიც არის აბრეშუმის გზა და Lapis lazuli-ის პროექტი.“- განაცხადა გიორგი აბაშიშვილმა.