ადგილობრივი ექსპერტები საპარლამენტო უმრავლესობის ლიდერის, ზვიად კვაჭანტირაძის მიერ, სოციალურ ქსელში შემოქმედის ეპარქიაზე "თავდასხმას" ეხმაურებიან და აცხადებენ, რომ კვაჭანტირაძისა და მმართველი გუნდის მხრიდან შემოქმედელ მიტროპოლიტზე, მეუფე იოსებზე და შემოქმედის ეპარქიაზე განხორციელებული თავდასხმები განპირობებულია შემოქმედელი მიტროპოლიტის ანტირუსული განწყობებიდან.

უმრავლესობის და მათ შორის დეპუტატ კვაჭანტირაძის მხრიდან შემოქმედელ მიტროპოლიტზე თავდასხმა პირველი შემთხვევა არ არის.

თავად შემოქმედის ეპარქიაზე შეტევები კი მას შემდეგ გაძლიერდა როცა შემოქმედელმა მიტროპოლიტმა მეუფე იოსებმა, გასული წლის დასაწყისში, განცხადება გაავრცელა, რომელშიც მან ფაქტობრივად სხალთის ეპისკოპოსს, მეუფე სპირიდონს, საჯაროდ უპასუხა, ამ უკანასკნელის მკვეთრად გამოხატული პრორუსული და ანტიდასავლური განცხადებების გამო.

გთავაზობთ შემოქმედელი მიტროპოლიტის განცხადებას, რომელმაც მაშინ საქართველოში ფართო რეზონანსი გამოიწვია და რის გამოც შემოქმედელი მიტროპოლიტი მმართველი კოალიციიდან ხშირითავდასხმების ობიექტი გახდა:

"“მე შემაძრწუნა ფეისბუკზე გამოქვეყნებულმა სასულიერო პირის ეპისკოპოსის ქადაგებამ. არ ვიცი არის თუ არა ეს მართალი, ძნელი დასაჯერებელია, და თუ მართალია, მთელი პასუხისმგებლობით მინდა განვაცხადო, ქართული მართლმადიდებელი ეკლესია ყოველთვის იყო ერთგული და იქნება კათალიკოს-პატრიარქის, ამბროსი ხელაიას მოწამეობრივი ღვაწლისა. და თუ დღეს რომელიმე მღვდელი ან ეპისკოპოსი მოუწოდებს საქართველოს რუსეთის მონობისკენ სამწუხაროდ ამით პატივს არ სცემს ჩვენს წინაპრებს, რომლებმაც თავი შესწირეს საქართველოს დამოუკიდებლობას. ასევე სახელს უტეხს ეკლესიის ავტორიტეტს. საქართველოს ეკლესიის წმინდა სინოდის მღვდელმთავარნი კათოლიკოს-პატრიარქი და სამღვდელოება დაუღალავი შრომითა და ლოცვით მხარს უჭერს ქართველი ხალხის ნებას რასაც საქართველოს დამოუკიდებლობა ქვია. და ამ წმინდა გზაზე ინებოს ღმერთმა მალე გავსულივყვეთ. გამთლიანებულიყვეს და გაძლიერებულიყვეს საქართველო ”-შემოქმედელი მიტროპოლიტი იოსები