„ერთიანი ნაციონალური მოძრაობა“ ახალი საკანონმდებლო ინიციატივით გამოდის. უმცირესობის წარმომადგენლები პარლამენტში ანტიკორუფციული კომიტეტის შექმნას ითხოვენ. საკანონმდებლო წინადადებას ოპოზიცია არასამთავრობოებს აცნობს.

ინიციატორები აცხადებენ, რომ კომიტეტის ფუნქცია მთავრობის ზედამხედველობა, კონტროლი და სავარაუდო კორუფციული ფაქტების შესწავლა იქნება.

საპარლამენტო უმცირესობის წევრები დარწმუნებულნი არიან, რომ ახალ ინიციატივას უმრავლესობა მხარს არ დაუჭერს, ამიტომ ისინი მმართველ გუნდს სთავაზობენ, რომ ეს ცვლილებები კანონში 2016 წლის საპარლამენტო არჩევნების შემდეგ შევიდეს.

„ჩვენ არ ვთავაზობთ ხელისუფლებას და უმრავლესობას, რომ ეს კანონი გავიდეს და ამოქმედდეს დღესვე. ჩვენ ვთავაზობთ, რომ ეს კომიტეტი შეიქმნას საპარლამენტო არჩევნების შემდეგ. ქვოტების უპირატესობა განაწილების დროს, ჩვენი აზრით, ამ კომიტეტში უ უნდა ჰქონდეს“, - განაცხადა ირმა ნადირაშვილმა.

სამოქალაქო სექტორის წარმომადგენლების განცხადებით, დამატებით ანტიკორუფციული კომიტეტების შექმნა მნიშვნელოვანია, რადგან კონკრეტული ფაქტების მიმართ საზოგადოების ფართო ინტერესი არსებობს და აუცილებელია, გაჩენილ კითხვებს პასუხები გაეცეს.