როდის დაიდება "მაესტროს" ფინანსური რეაბილიტაციის გეგმა

როდის დაიდება "მაესტროს" ფინანსური რეაბილიტაციის გეგმა - გაჩეჩილაძის კომენტარი

პოლიტიკა - 18:35, 09 Mar, 2016

1397

მაესტროს გენერალური დირექტორის ლევან გაჩეჩილაძემ ბიზნეს - კონტაქტის ავტორ გიორგი ისაკაძესთან და არხის ფინანსურ დირექტორ თემურ გაჩეჩილაძესთან შეხვედრის დასრულების შემდეგ ლევან გაჩეჩილაძემ ჟურნალისტებთან კომენტარი გააკეთა.
მისი ინფორმაციით, მას ტელეკომპანიის ფინანსური რეაბილიტაციის გეგმა აქვს და ის "მის თავშია".
გაჩეჩილაძე ამბობს. რომ ახლა მთავარი ამოცანა მხოლოდ ისაა, არ დაზიანდეს შ.პ.ს სტუდია მაესტროს შემოსავლები.
“მე და გიორგის გვქონდა ესეთი ლაპარაკი, შესაძლებელია რაღაც ვადაში ჩვენ ერთმანეთს დავემშვიდობოთ მისი ინიციატივით, მაგრამ მანამდე ჩვენ გვაქვს ძალიან სერიოზული შეხვედრები დაგეგმილი იმასთან დაკავშირებით, რომ მაესტროს დღევანდელი ეთერი ეს არის მაესტროს პროდუქტი. შ.პ.ს სტუდია მაესტროს პროდუქტს აქვს 10 მილიონიანი შემოსავალი, ამ პროდუქტს ქმნის მათ შორის გიორგი ისაკაძის მიერ წარმოდგენილი პროდუქტები, აქედან გამომდინარე ჩემი, როგორც გენერალური დირექტორის მთავარი ამოცანაა, რომ არ დაზიანდეს შ.პ.ს სტუდია მაესტროს შემოსავლები,“ - აღნიშნა მაესტროს გენერალურმა დირექტორმა.
გაჩეჩილაძის გამარტებით, ტელეკომპანიის აუდიტის დასკვნის შესწავლის შემდეგ, დაიდება ფინანსური რეაბილიტაციის კონკრეტული გეგმა.
“მთავარი საუბრის ორი თემაა, რომ პირველი გადაბარების საკითხი, რომელიც მრავალმხრივია, გადაბარებას სჭირდება აუდიტი, სჭირდება ინვენტარიზაცია, სჭირდება ფინანსური მოკლევადიანი, საშუალო და გრძელ ვადიანი გეგმები და მე ბატონმა თემურმა აღმითქვა, რომ ჩვენს შორის იქნება ძალიან სერიოზული თანამშრომლობა“ - აღნიშნა გაჩეჩილაძემ.
მისივე თქმით, ხვალ ან ზეგ ტელეკომპანიაში დანიშნავს თავის მოადგილეს, რომელსაც არხის ფინანსურ დირექტორთან ექნება ურთიერთობა და ყველა საჭირო ოპერაციას ერთად განახორციელებენ.
ამასთან ლევან გაჩეჩილაძემ "მაესტროს" ჟურნალისტებს პეტიციის გაფორმება შესთავაზა.
„სარედაქციო პოლიტიკა იქნება დამოუკიდებელი. მზად ვარ, ჟურნალისტებთან ერთად გავაფორმო პეტიცია, რომელშიც ეს ყველაფერი იქნება ასახული" - განაცხადა „მაესტროს“ დირექტორმა.