ევროკომისიამ საქართველოს ვიზალიბერალიზაციის შესახებ ინიციატივის ტექსტი გამოაქვეყნა. საკანონმდებლო წინადადება ევროპარლამენტისა და ევროპული საბჭოს რეგულაციაში ცვლილების შეტანის შესახებ, რომელიც საქართველოს მოქალაქეებს ევროკავშირის ქვეყნებში უვიზოდ გადაადგილების საშუალებას მისცემს, ევროკომისიის ვებგვერდზე უკვე ატვირთულია.

დოკუმენტში საუბარია ევროკავშირსა და საქართველოს შორის ვიზალიბერალიზაციასთან დაკავშირებით უკვე განხორციელებული პროცედურების შესახებ.

„არ არსებობს არავითარი მიზეზი იმისა, რომ ევროკავშირმა საქართველოს მოქალაქეებს უვიზო მიმოსვლაზე უარი უთხრას, რადგან საქართველომ უკვე გააუქმა ევროკავშირის წევრი ქვეყნების მოსახლეობისთვის უვიზო რეჟიმი, როთაც მათ ქვეყანაში 90 დღით დარჩენა შეუძლიათ" - ნათქვამია დოკუმენტში.

დოკუმენტში ასევე აღნიშნულია, რომ ევროკომისია საქართველოს მიერ ვიზალიბერალიზაციის სამოქმედო გეგმის ოთხივე პუნქტის შესრულების პროცესის მონიტორინგს გააგრძელებს.