"კალაძის ხელით გასაკეთებელი, ივანიშვილის მორიგი აფიორა ჩავარდა"- ბარამიძე

სოც.მედია - 16:25, 09 Mar, 2016

2190

საქართველოს პარლამენტის წევრის გიორგი ბარამიძის შეფასებით ივანიშვილის აფიორა ჩავარდა და მან კალაძის ხელით საქართველოში „გაზპრომის“ შემოყვანა ვერ შეძლო. პარლამენტში დღეს ენერგეტიკის მინისტრის გამოსვლას ბარამიძე სოციალურ ქსელში გამოეხმაურა, მისი თქმით გოკა გაბაშვილმა ამ აფიორის ქრონოლოგია საზოგადოებას ზუსტად შეახსენა:

„კალაძის ხელით გასაკეთებელი, ივანიშვილის მორიგი აფიორა და გადაუჭარბებლად ვიტყოდი, ეროვნული ინტერესების ღალატის მცდელობა, ამჯერად ჩავარდა.

გოკამ, საზოგადოებას ზუსტად შეახსენა, ამ აფიორისა და მავნებლობის ქრონოლოგია.

ამ ხალხისთვის არჩევნებზე ხმის მიცემა ნათელია კატასტროფა იქნებოდა და მჯერა ხალხმა ეს კარგად იცის, ამიტომაც მათ დავამარცხებთ და აღარ მივუშვებთ სახელისუფლო ბერკეტებთან.“- წერს ბარამიძე.

შეგახსენებთ, დღეს საპარლამენტო კომიტეტების წინაშე ენერგეტიკის მინისტრის გამოსვლისას, კახა კალაძეს გოკა გაბაშვილმა მიმართა და გაზპრომზე უარის თქმას საზოგადოების ტაქტიკური გამარჯვება უწოდა:

„ჩვენ შეგვიძლია საზოგადოების იმ ნაწილს, რომელიც "გაზპრომს" ეწინააღმდეგებოდა, ეს ტაქტიკური გამარჯვება მივულოცოთ. მათ შეძლეს და თავიანთი ზეწოლით თქვენს განზრახვაზე ხელი აგაღებინეს“- განაცხადა გაბაშვილმა.