ქორწინების თემაზე "ქართული ოცნების" ინიციატივას "რესპუბლიკელი" ფრიდონ საყვარელიძე შეუერთდა

პოლიტიკა - 15:23, 09 Mar, 2016

1180

ქორწინების თემაზე "ქართული ოცნების" მიერ მომზადებულ საკონსტიტუციო წინადადებას ფრაქცია "რესპუბლიკელებიდან" დეპუტატი ფრიდონ საყვარელიძე შეუერთდა.

ეს გადაწყვეტილება საყვარელიძემ დამოუკიდებლად მიიღო. დეპუტატისთვის უცნობია, მიიღებენ თუ არა ანალოგიური გადაწყვეტილებას ფრაქციის სხვა წევრები.
მისი თქმით, "რესპუბლიკური პარტია" ცალსახად უჭერს მხარს იმას, რომ ქორწინება ეს არის ქალისა და მამაკაცის კავშირი.
შეგახსენებთ, რომ ქორწინების, როგორც ქალისა და მამაკაცის ერთობის, კონსტიტუციით განსაზღვრის თაობაზე მმართველი გუნდის მიერ ინიცირებულ კანონპროექტზე კომენტირებისას განაცხადა, რომ "რესპუბლიკური პარტია ინიცირების პროცესს პოლიტიკურად გაემიჯნა.
დავით უსუფაშვილი მიიჩნევს, რომ ან თემით დომინირება არ შედის ქართველი ხალხის ინტერესბში და ეს მმართველი გუნდის პოლიტიკური შეცდომაა. პარლამენტის თავმჯდომარემ აღნიშნა, რომ ის პატივს სცემს კოალიციის იმ წევრებს, რომლებიც საკითხს მორალურ ჭრილში განიხილავენ და არა პოლიტიკურ ჩარჩოში.
კოალიცია "ქართული ოცნების" პოლიტსაბჭო კონსტიტუციაში ქორწინების სუბიექტების დაზუსტების ინიციატივას მხარდაჭერას უცხადებს. აღნიშნული ცვლილება ქორწინების, როგორც ქალისა და მამაკაცის სამოქალაქო კოდექსში არსებული განმარტების საკონსტიტუციო დონეზე გამყარებას გულისხმობს.
კოალიცია ერთგულია დისკრიმინაციის მიუღებლობის პრინციპის და გამოდის ინიციატივით, რომ ისეთი მნიშვნელოვანი ფასეულობის დაცვა, რაც არის ქორწინება, გარანტირებული იყოს ქვეყნის კონსტიტუციის დონეზე.