მიხეილ სააკაშვილი ნადეჟდა სავჩენკოს მხარდასაჭერ აქციაზე

პოლიტიკა - 14:53, 09 Mar, 2016

2963

უკრაინელი მფრინავის მხარდასაჭერად აქციები მსოფლიოს მასშტაბით იმართება. ნადია სავჩენკოს მხადასაჭერ აქციაზე, რომელიც უკრაინაში გაიმართა საქართველოს მესამე პრეზიდენტი და ოდესის ოლქის სახელმწიფო ადმინისტრაციის ხელმძღვანელი, მიხეილ სააკაშვილიც მივიდა .

"ნადეჟდა სავჩენკოს ისტორია ეს არის ახლანდელი ისტორია ძველი იმპერატორ დიოკლეტიანეს და წმინდა გიორგის შორის არსებული წინააღმდეგობისა, სულიერი ძალისა ფიზიკური ძალის წინააღმდეგ და ამ ბრძოლაში ყველა ირჩევს თუ ვის მხარეს იყოს"- მიიჩნევს სააკაშვილი.
მისითქმით, "ყველას ჰყავს თავისი პატრიოტები, წინააღმდეგობა კეთილსა და ბოროტ ძალას შორის გრძელდება ყველა დროში და ყველა ქვეყანაში, სადაც კეთილი ძალა გაიმარჯვებს ისე, როგორც წმინდა გიორგის შემთხვევაში".
უკრაინელი სამხედრო მფრინავი ნადეჟდა სავჩენკო რუსული სასამართლოს წინაშე თავისი საბოლოო სიტყვით დღეს წარსდგა. სავჩენკომ თავისი სიტყვა უკრაინულად წარმოსთქვა.

„დავამატებ იმასაც, რომ სასამართლომ ჩემი ცხოვრების ერთი კვირა მოიპარა. თქვენ ერთი კვირა გაქვთ განაჩენის გამოსატანად, შესაძლოა მანამდე ვიცოცხლო“- დასძინა სავჩენკომ საბოლოო სიტყვის ბოლოს.

სასამართლო განაჩენს ნადეჟდა სავჩენკოს საქმეზე 21 ან 22 მარტს გამოიტანენ. ბრალდების მხარე 23 წლიან პატიმრობას და 100 ათასი რუბლის ოდენობით ჯარიმას ითხოვს. სავჩენკოს ამ დროისთვის მშრალი შიმშილობა აქვს გამოცხადებული.

ის რუსმა სამართალდამცავებმა 2014 წლის ივნისში დააკავეს და 20 თვეზე მეტია პატიმრობაში იმყოფება.