პარლამენტი ნადეჟდა სავჩენკოს გათავისუფლებით მოთხოვნის შესახებ დეკლარაციას სავარაუდოდ მხარს დაუჭერს

პოლიტიკა - 13:58, 09 Mar, 2016

1081

საპარლამენტო უმცირესობა საკანონმდებლო ორგანოს ნადეჟდა სავჩენკოს მხარდამჭერი მსოფლიო აქციისთვის შეერთებას სთავაზობს.

დღეს, თავისუფლების მოედანზე „ერთიანმა ნაციონალურმა მოძრაობამ“ რუსეთის მიერ უკრაინის ტერიტორიიდან უკრაინის შეირაღებული ძალების ოფიცრის, ნადეჟდა სავჩენოს გატაცება გააპროტესტა.

პარტიამ და საპარლამენტო ფრაქციებმა დეკლარაცია შეიმუშავეს, სადაც საუბარია, რომ ნადეჟდა სავჩენოს დაუყოვნებლივ გათავისუფლება უნდა მოხდეს.

უმრავლესობაში აცხადებენ, რომ დეკლარაციის ტექსტს ჯერ არ გაცნობიან, თუმცა პათოსს მხარს უჭერენ.

„ვფიქრობ, ადამიანი სიკვდილის ზღვარზეა, მის მიმართ უსამართლობა ხდება და ადამიანი, რომელიც თავის პოზიციაზე მყარად დგას, დამოუკიდებელ უკრაინას განასახიერებს, აუცილებლად უნდა იქნეს მხარდაჭერილი,“ - აცხადებს ფრაქცია ქართული ოცნების თავმჯდომარე გიორგი ვოლსკი

მრეწველების მდივანი, რადგან ზურაბ ტყემალაძე ამბობს, რომ არავინ არ უნდა დაიჩაგროს არც ჩვენ ქვეყანაში და არც სხვაგან.

თავისუფალი დემოკრატებიც იზიარებენ კოლეგების აზრს. ისინი სავჩენკოს, პუტინის პირად პატიმრს უწოდებენ.

დეკლარაციაზე ხელის მოწერას აპირებს ფრაქცია უპარტიო, დამოუკიდებელი მაჟორიტარების თავმჯდომარე, კახა ოქრიაშვილი.

ნაციონალური მოძრაობის მიერ შემუშავებული დეკლარაცია საკანონმდებლო ორგანოში ოფიციალურად დღის განმავლობაში დარეგისტრირდება.