რა შინაარსისაა პაპუაშვილთან დაკავშირებული ფარული ვიდეომასალა- პაპუაშვილის კომენტარი

პოლიტიკა - 17:58, 07 Mar, 2016

2583

საკონსტიტუციო სასამართლოს თავმჯდომარემ ტელეკომპანია „პირველის“ ეთერში მის წინააღმდეგ არსებული ფარული ჩანაწერების შინაარსზე ისაუბრა. გიორგი პაპუაშვილის თქმით, ვიდეომასალა არ ეხება ინტიმურ ცხოვრებას:
„ეს არ ეხება ინტიმურ კადრებს, ეს შარშანდელი კადრებია, სადაც ცოტა ნასვამ მდგომარეობაში რაღაც სიტყვებს ვხმარობ და ღირსეულად არ ვიქცევი. ადამიანის ცხოვრებაში ხანდახან ხდება. რაც შეეხება ფოტო მასალებს ეს ინტიმური ხასიათის ვერ იქნება თუ ფალსიფიცირებული არ არის.“- განაცხადა პაპუაშვილმა. მისი თქმით ამ კადრების გასაჯაროებით სურთ აჩვენონ რომ მოსამართლე ღირსეული საქციელით არ გამოირჩევა.
პაპუაშვილის განცხადებით, მისი მხრიდან ამ კადრებზე ინფორმაციის გავრცელებას ორი მიზეზი ქონდა, პირველი იყო ის რომ კადრების გავრცელების შემთხვევაში მისი ოჯახის წევრები და ახლობლები ფსიქოლოგიურად მზად ყოფილიყვნენ, მეორე მიზეზი კი პრევენცია, იყო, რათა ის ადამიანები ვინც ამ კადრების გასაჯაროებას აპირებდნენ, დაფიქრებულიყვნენ.

პაპუაშვილის თქმით, წულუკიანმა მედიაშიც გააკეთა მინიშნება მის ამორალურ საქციელთან დაკავშირებით და ევროპულ სასამართლოში მისი არწარდგინების ერთერთ მიზეზად სწორედ ეს დაასახელა. შესაბამისად იუსტიციის მინისტრს ამ კადრების გასაჯაროება მისი მინიშნების გასამყარებლად სჭირდება.