ზაზა ფირალიშვილი "თავისუფალი დემოკარტების" წევრი გახდა

პოლიტიკა - 15:12, 07 Mar, 2016

1652

„თავისუფალი დემოკრატების“ ლიდერმა ირაკლი ალასანიამ დღეს ჟურნალისტებს პარტიის ახალი წევრი, ფილოსოფოსი და ექსპერტი ზაზა ფირალიშვილი წარუდგინა.
ძალიან ამაყი და ბედნიერი, რომ შემოგვიერთდა გამორჩეული ინტელექუალი შეუბღალავი ინტელექტით და მაღალი ავტორიტეტის პროფესიული სტანდარტის ადამიანი ზაზა ფირალიშვილი. ნათელი და მოაზროვნე ადამიანების, როგორიც ბატონი ზაზაა, ჩვენს გვერდში ყოფნა, გვაძლიერებს სულიერად და პრაგმატული თვალსაზრისით გვიმტკიცებს რწმენას, რომ ქვეყნის მომავლის უკეთესისკენ შესაცვლელად ნებისმიერი სიმძიმის ტვირთს ავწევთ. მე მყავს საუკეთესო გუნდი... მე ჩემს გუნდს და ჩვენ ერთად, საქართველოს იმედს არ გავუცრუებთ'' - აღნიშნა ირაკლი ალასანიამ
თავის მხრივ ზაზა ფირალიშვილმა სიტყვით გამოსვლისას აღნიშნა რომ როცა ქვეყანაში რთული პოლიტიკური ვითარებაა, პასიურობა დაუშვებელია.
„ რა თქმა უნდა კომფორტულია დამოუკიდებელია ექსპერტად ყოფნა, როდესაც შენი პასუხისმგებლობები არ გეკისრება, იმ სიტუაციაში როდესას ქვეყანაში ასეთი რთული პოლიტუკური ვითარებაა და პოლიტიკური ძალები წარსულში დაბრუნებას გვიპირებენ ვფიქრობ, ამ სიტუაციაში პასიურობა დაუშვებელია. მე ვიცი ამ პარტიის პოლიტიკური და იდეოლოგირუი პრინციპები და ვიცი, რომ ცივილიზებში სამყაროში შესვლა ნიშნავს პირველ რიგში იმას, რომ ქვეყანა შეინარჩუნებს თავის ძირეულ პარადიგმებს“- აღნიშნა ზაზა ფირალიშვილმა.
მისი თქმით, ალასანიას გუნდი ცდილობს, რომ თავისუფლებისა და დემოკრატიის იდეალები კულტურის ორგანულ ნაწილად აქციოს.
"ჩვენს ისტორიულ სიტუაციაში ეს ძალზე მნიშვნელოვანი რამ არის. ამ პარტიაში თავმოყრილი ადამიანები თავისი სფეროების პროფესიონალებს წარმოადგენენ და მათთვის უცხოა, პოპულიზმისათვის ხარკის გადასახდელად უსაფუძვლო განცხადებების გაკეთება. ეს კი იმედს იძლევა იმისა, რომ ამ პარტიას ძალუძს მნიშვნელოვანი როლი შეასრულოს ჩვენს სახელმწიფოებრივ აღმშენებლობაში'' - დასძინა ზაზა ფირალიშვილმა.
შეგახსენებთ, რომ ფილოსოფიის დოქტორი ზაზა ფირალიშვილი 2012 წლიდან ექსპრემიერის ბიძინა ივანიშვილის მრჩეველთა საბჭოს წევრი იყო.