,,ივანიშვილი ზურგსუკან ცდილობდა გაზპრომის შემოპარებას. ამას ჩვენ აღარ დავუშვებთ“

,,ივანიშვილი ზურგსუკან ცდილობდა გაზპრომის შემოპარებას. ამას ჩვენ აღარ დავუშვებთ“ - გიგა ბოკერია

პოლიტიკა - 16:00, 06 Mar, 2016

2110

რუსული ენერგოკომპანიის წინააღმდეგ მიმართული, ერთიანი ნაციონალური მოძრაობის აქცია - "არა გაზპრომს" დასრულდა. კანცელარიიდან რუსეთის საელჩომდე ცოცხალი ჯაჭვი გაკეთდა.

აქციის ორგანიზატორები გაზპრომთან მოლაპარაკებების შეწყვეტას და ტრანზიტის ძველი პირობებით გაგრძელებას ითხოვენ. ცოცხალ ჯაჭვში მონაწილეობას იღებდნენ პოლიტიკოსები და საზოგადოების ცნობილი სახეები.

,,ნაციონალური მოძრაობის“ ერთ-ერთი ლიდერის გიგა ბოკერიას თქმით, ხელისუფლება საზოგადოებას ატყუებდა და ცდილობდა ზურგსუკან გაზპორმთან მოლაპარაკებები ეწარმოებინა. ბოკერია ამბობს, რომ მომავალ საპარლამენტო არჩევნებზე ივანიშვილის გარდარჩევით ,,ამ საფრთხეებს წერტილს დავუსვამთ“.

“ჩვენ მთელი საზოგადოება ამ შვიდი თვის შემდეგ გადავირჩევთ ივანიშვილის რეჟიმს ოქტომბრის საპარლამენტო არჩევნებზე და ამ საფრთხეებს წერტილს დავუსვამთ. მაგრამ, ამ შვიდ თვეშიც კი, რაც დარჩენილია მის გადარჩევამდე ჩვენ უნდა ვიყოთ ყურადღებით. ერთ გამარჯვებას მივაღწიეთ, შევამცირეთ რისკი, რაც თან სდევდა გაზპრომთან ამ მოლაპარაკებებს, როცა ივანიშვილის რეჟიმი გვატყუებდა თვეების განმავლობაში, რომ გარდაუვალი იყო ჩვენი ხელახლა დამოკიდებულება გაზპომზე, ეს აღარ უნდა მოხდეს, ძალიან კარგია, მაგრამ ეს რაც მოხდა ადასტურებს იმას, თუ როგორ ცდიობდნენ ჩვენს ზურგს უკან ამის შემოპარებას, როგორ უნდა გაყინულიყვნენ ჩვენი ბავშვები ზამთარში, რომ ისევ ყოფილიყო მუდმივი წყვეტა და პოლიტიკური შანტაჟი. ეს ყველაფერი თავიდან ავიცილეთ. ამ აქციის მთავარი გზავნილიც ეგ არის, რომ უდნა იცოდნენ თუ კიდევ დააპირებენ ამის შემოპარებას, ამას უყურადღებოდ არავინ დატოვებს. არ უნდა მოვადუნოთ ყურადღება იმ მათავრობაზე, რომლის პირობებშიც ბავშვის ეზოში მარტო დარჩენის შეიძლება გეშინოდეს. შვიდი თვის თავზე ჩვენ ამ პრობლემას გადავჭრით“ - განაცხადა ბოკერიამ.