,,პაპუაშვილზე ფარული ჩანაწერების გამოქვეყნება - ეს იქნება საერთაშორისო სკანდალი და საიმიჯო კატასტროფა“

,,პაპუაშვილზე ფარული ჩანაწერების გამოქვეყნება - ეს იქნება საერთაშორისო სკანდალი და საიმიჯო კატასტროფა“ - გაბაშვილი

პოლიტიკა - 23:24, 05 Mar, 2016

4033

საკონსტიტიუციო სასამართლოს თავმჯდომარის განცხადებას, მის შესახებ მოსალოდნელი ფარული ჩანაწერების გავრცელებასთან დაკავშირებით ,,საერთაშორისო მასშტაბის სკანდალს“ უწოდებს ,,ნაციონალური მოძრაობის“ წევრი გიორგი გაბაშვილი. როგორც მან ,,კურიერის“ ეთერში განაცხადა ეს არის ივანიშვილის მმართველობის სტილი, რომელსაც დღევანდელი ხელისუფლება ,,მწარედ ინანებს“.

„აბსოლუტურად აღმაშფოთებელია, თუ საკონსტიტუციო სასამართლოს ასეთი ფორმით აშანტაჟებენ, მაგრამ არ მიკვირის, რადგან ჩვენ გვახსოვს, როგორ გამოუგზავნეს ამ ტელეკომპანიის დირქტორს და დაემუქრნენ მის შესახებ კომპრპომატების გავრცელებაში, ეს ჰაკიმფაშას ხელწერა ცნობილია. საკონსტიტუციო სასამართლოს თავმჯდომარის წინააღმდეგ ასეთი მეთოდებით შანტაჟი არის საერთაშორისო მასშტაბის სკანდალი და კატასტროფა. ეს ხელისუფლებას ძალიან სერიოზულად დააზარალებს და, თუ ხელისუფლებაში ვინმე გონიერი არსებობს, ამ გზით არ უნდა იაროს. მაგრამ ჩვენ ვხედავთ, რეებზე წამსვლელი ხელისუფლებაა, როცა ისინი თვლიან, რომ რაღაც აქვთ გასაკეთებელი. მათ შეუძლიათ დაანგრიონ საკონსტიტუციო სასამართლო, დაანგრიონ ეროვნული ბანკი, შეურაცხყოფა აყენონ საპრეზიდენტო ინსტიტუტს, აბუჩად აიგდონ პოლიციის ღირსება, ამ ადამიანებსითვის არაფერი არსებობს, თუკი ივანიშვილს აქვს გაცემული ამგვარი დავალება. თუმცა, ეს იქნება საიმიჯო კატასტროფა და საერთაშორისო მასშტაბით იქნება ის, რასაც მწარედ ინანებენ, თუკი ამ გზას დაადგნენ“ - განაცხადა გოკა გაბაშვილმა.