ანა დოლიძის მხარდასაჭერად ხელმოწერები გროვდება

პოლიტიკა - 15:29, 05 Mar, 2016

4176

საქართველოს პრეზიდენტის მიერ უზენაეს სასამართლოს მოსამართლედ წარდგენილი კანდიდატის მხარდასაჭერად, სამოქალაქო საზოგადოება ხელმოწერებს აგროვებს. მოქალაქეები პეტიციას ელექტრონული ფორმითაც ავრცელებენ და პარლამენტის დეპუტატებს მოუწოდებენ ხმა მისცენ ანა დოლიძეს, რომელმაც მათი თქმით, საზოგადოების მხარდაჭერა სამართლიანობისათვის ბრძოლაში გამოჩენილი პრინციპულობით დაიმსახურა:
„დღეს სასამართლო სისტემის გაძლიერებისათვის საჭიროა, საზოგადოებრივი ნდობის მქონე მოსამართლეების შერჩევა. სწორედ ასეთად კანდიდატად მივიჩნევთ ანა დოლიძეს. ანა ყოველთვის იდგა მოქალაქეების გვერდით და რეალური საფრთხეების მიუხედავად იბრძოდა უსამართლობის წინააღმდეგ. მას არასოდეს დაუხევია უკან. არის ადამიანის უფლებების დამცველი, პრინციპული და სამართლიანი. სიმბოლურია, რომ საქართველოს პრეზიდენტმა ანა დოლიძე უზენაეს სასამართლოში იმ მოსამართლის ადგილმონაცვლედ წარადგინა, რომელიც ქართული საზოგადოებისათვის პოლიტიკური მართლმსაჯულების სიმბოლოდ იქცა. მოვუწოდებთ დეპუტატებს, ხმა მისცენ ანა დოლიძეს, რომელმაც ჩვენი მხარდაჭერა სამართლიანობისათვის ბრძოლაში გამოჩენილი პრინციპულობით დაიმსახურა.“-აღნიშნულია პეტიციაში.
( http://manifest.ge/main/item/781) ანა დოლიძის უზენაესი სასამართლოს წევრ მოსამართლედ დანიშვნას მხარს უჭერენ: გურამ გირგვლიანი, გურამ ენუქიძე, ია მეტრეველი, ჯამბულ გამცემლიძე, მანანა ვაზაგაშვილი, ლაშა ჩხარტიშვილი, მიშა კაჭკაჭიშვილი, გვანცა ყუფრაძე, ლევან ბუხაიძე, ზურაბ რთველიაშვილი, ლაშა ბუღაძე, რატი ამაღლობელი, ნიკუშა შენგელაია, არნოლდ სტეფანიანი, არჩილ კაიკაციშვილი, კახა კუკავა, ჯაბა ჯიშკარიანი, მანანა ნაჭყებია და სხვები.