ოკუპირებული აფხაზეთის ე.წ. სავაჭრო-სამრეწველო პალატის ვებ გვერდზე დაიდო ინფორმაცია, რომ აღნიშნული ორგანიზაცია, მისი ხელმძღვანელის, გენადი გაგულიას მეთაურობით მონაწილეობს უნგრეთის დედაქალაქ ბუდაპეშტში მიმდინარე საერთაშორისო გამოფენაში Travel Exhibition. ამ გამოფენის პარტნიორია უნგრეთის ეკონომიკისა და ტურიზმის სამინისტრო.

გამოფენის ორგანიზატორთა ამოცანაა ტურისტულ ფირმებს გააცნოს მსოფლიოს ის ადგილები, სადაც შესაძლოა მოეწყოს გასართობი ხასიათის ღონისძიებები.