"100-ჯერ რომ მომიწიოს არჩევანის გაკეთება, ასივეჯერ ხიდაშელს ავირჩევ"- ნიკა გვარამია

სოც.მედია - 14:31, 03 Mar, 2016

17512

„რუსთავი2“-ის გენერალური დირექტორი ნიკა გვარამია თავდაცვის მინისტრსა და გოგი თოფაძის დაპირისპირებასთან დაკავშირებით თავის მოსაზრებას სოციალურ ქსელში აფიქსირებს. გვარამიას თქმით ამ ორ სუბიექტს შორის ის არჩევანს ყოველთვის თინა ხიდაშელზე გააკეთებს, რადგან მიუხედავად უამრავი აზრთა სხვადასხვაობისა ფასეულობათა ორიენტაცია მას და ხიდაშელს საერთო აქვს:

„რადგან ამდენმა მკითხა, ერთხელ ვიტყვი და მეტს აღარ განვმარტავ:
რაც და რამდენიც არ უნდა ქონდეს თინა ხიდაშელს ნათქვამი ან გაკეთებული პირადად ჩემი ან რუსთავი 2ის წინააღმდეგ (და აქვს, ჩემი აზრით ბევრი, ცუდი და არასწორი), 100ჯერ რომ მომიწიოს არჩევანის გაკეთება მასსა და გოგი თოფაძეს შორის, ასივეჯერ ხიდაშელს ავირჩევ. თუ რამე აქვს დაშავებული, მიეზღოს, ოღონდ გოგი თოფაძისგან არა.
ამით განვსხვავდები მე თუნდაც იგივე ხიდაშელისგან - ჩემთვის გადამწყვეტია ფასეულობითი ორიენტაცია, რომელიც ხიდაშელს ევროატლანტიკური აქვს, ისევე როგორც მე, ისევე როგორც რ2ს.
ps თუ გინდათ, ხიდაშელის და თოფაძის მაგივრად რესპუბლიკელები და მრეწველები იგულისხმეთ.
pps ზაქარეიშვილს რაც შეეხება, ამ არსებასა და მეორე არსება თოფაძეს შორის განსხვავებას ნამდვილად ვერ ვხედავ.“