საქართველოს გარემოს დაცვის მინისტრი „რესპუბლიკელი“ გიგლა აგულაშვილი პრემიერის მიერ გაკეთებულ განცხადებას გამოეხმაურა. როგორც მინისტრმა „კურიერთან“ საუბარში განაცხადა, ის ეთანხმება მოსაზრებას, რომ კოალიციის წევრებს შორის დაპირისპირების საკითხები კოალიციის შიგნით უნდა იქნას განხილული. ამასთანავე აგულაშვილი საგარეჯოს არჩევნების საქმის გამოძიებასთან დაკავშირებით პროკურატურასთან თანამშრომლობის მზადყოფნას აცხადებს.

„სიამოვნებით ვითანამშრომლებ არა მარტო ამ საკითხზე ნებისმიერ სხვა საკითხზეც. ის რაც იყო რეალობა, რაც არის დადასტურებული დღემდე, მე ვვარაუდობ ალბათობის ძალიან მაღალი ხარისხი არსებობს, რომ ისევე დადასტურდება. რაც არ ყოფილა ვგულისხმობ ბრალდებებს გაყალბებაზე და ასე შემდეგ იმას ვერავინ ვერ შექმნის.“- განაცხადა აგულაშვილმა.

აგულაშვილმა ქვეყანაში მომძლავრებულ პრორუსულ რბილ ძალაზეც ისაუბრა და აღნიშნა, რომ ის ეტანხმება თინათინ ხიდაშელის განცხადებას, რომ გარკვეული ძალები ქვეყაყნის ევროატლანტიკურ ინტეგრაციასთან დაკავშირებით ნიჰილიზმის დათესვას ცდილობენ:

„წინასაარჩევნო სიტუაციაა, როდესაც გარკვეული ძალები ცდილობენ მოიკიდონ ფეხი ქვეყნის მოსახლეობის გარკვეულ ნაწილში. ძალიან გააქტიურდა რბილი ძალა , მედიაში, სოციალურ ქსელში. ნიჰილიზმის დათესვა ევროატლანტიკურ ინტეგრაციასთან დაკავშირებით, ყველაფერი ცუდი რომ დასავლეთიდან მოდის თურმე და ყველაფერი კარგი ჩრდილოეთიდან და მზე რომ ჩრდილოეთიდან ამოდის. ასეთი მესიჯები ინტენსიურად ისმის, რაც მიმართულია საზოგადოების დეზორიენტაციაზე და ამ თვალსაზრისით მე ვიზიარებ თავდაცვის მინისტრის განცხადებას.“- აღნიშნა აგულაშვილმა.